Wednesday, 2017-10-18, 9:37 PM
 
Bosh sahifa Ro`yxatdan o`tish Kirish
Xush kelibsiz, Guest · RSS
[ New messages · Members · Forum rules · Search · RSS ]
Page 2 of 2«12
Forum » Ateistik forum » Asosiy forum » O`zbekistonda ateizm (birinchi mavzu)
O`zbekistonda ateizm
ateizmDate: Wednesday, 2007-07-18, 4:35 AM | Message # 16
Admin
Group: Administrators
Messages: 19
Reputation: -1
Status: Offline
Quote (Bobur)
Inson o'zining miyasida bo'layotgan bioelektrik-kimyoviy ta'sirlar haqida o'ylay oladi, ularni o'rganmoqda. Masalan, men o'z fikrlash qobiliyatim faqatgina siz aytgan bioelektrik-kimyoviy ta'sirlar bilan cheklangan deb o'ylamayman. Demak, men o'zimdagi bioelektrik-kimyoviy ta'sirlar fikrlashning manbai degan g'oyani inkor qilyapman. Bularning hammasi inson ongi materiya va uning ta'sirlaridan mustaqil bir narsa ekanligini bildirmaydimi?

Siz shunday deb o'ylamasingiz tufayligina shunday bo'lib qolmaydi. Deylik, men ham miyamda yadroviy reaksiyalar sodir bo'lmoqda, deb o'ylashim mumkin, biroq bu rostdan ham miyamda shunday reaksiyalar bo'layotganiga isbot bo'la oladimi?
To'g'ri, miya oxirigacha o'rganilmagan, lekin shunisi ayonki, undagi bioelektrik va kimyoviy jarayonlar fikrlash, tushunish kabilarni izohlash uchun yetadi.
Quote (Bobur)
Kompyuterni ham kimdir loyihasini tuzib, yasab, kimdir unga dastur yozib, o'rnatmaguncha ishlamaydi. Tasodifiy o'zgarishlar natijasida inson aralashuvisiz kompyuter paydo bo'lishi ham amri mahol. Kompyuterdan ancha murakkab bo'lgan inson organizmi tasodifiy mutaciyalar natijasida shakllanishi g'ayritabiiy emasmi?

Evolyutsiya nazariyasini tushunishingiz kerak. Odam "lop" etib bir kecha-kunduzda, hatto muqaddas kitoblaringiz aytadigan 6 kecha-kunduzda ham paydo bo'lib qolmagan, balki 3 milliard (!) yillik evolyutisyalanish natijasida yuzaga kelgan. Va hamon evolyutsiyalanmoqda. Asta-sekinlik bilan. Biologiya esa miya tugul, ko'z evolyutsiyasini ham o'rgandi. G'ayritabiiylik yo'q ekanligi aniqlandi.


Thank you for not littering your mind
 
BoburDate: Thursday, 2007-07-19, 5:22 AM | Message # 17
Private
Group: Users
Messages: 15
Reputation: 0
Status: Offline
Quote (ateizm)
Siz shunday deb o'ylamasingiz tufayligina shunday bo'lib qolmaydi

Men aytmoqchiydimki, agar o'ylash jarayoni materiya bilan bo'ladigan ta'sirlar natijasi bo'lsa, bu ta'sirlar o'zining mohiyatiga zid bo'lgan fikr (fikrlash faqat bu ta'sirlargagina bog'liq emas degan fikr) ni keltirib chiqara olmasligi kerak-ku. (ya'ni mening fikrlashimni materiya va bioelektrik va kimyoviy jarayonlar boshqarganda, men umuman bu bioelektrik va kimyoviy jarayonlarni asosiy manba ekanligini inkor qilishni hayolimga ham keltira olmagan bo'lardim-ku demoqchiman).

Added (2007-07-19, 5:22 Am)
---------------------------------------------

Quote (ateizm)
Evolyutsiya nazariyasini tushunishingiz kerak.

Evolyutsiya nazariyasida evolucion jarayonlar sodir bo'lishi uchun ma'lum biologik qonuniyatlar (masalan, turli genlarning o'ziga hos funkciyalarni bajarishligi, genlarning orasida ham boshqaruvchi, bo'ysinuvchi, erkin genlar kabi turlari borligi, DNK da irsiy ma'lumot saqlanishi, bir turdagi hujayralardan boshqa turdagisi hosil bo'lishi), tabiiy tanlanish kabi omillar bo'lishligi shart qilib olinadi. Dunyodagi boshqa jarayonlar sodir bo'lishi uchun ham juda ko'plab qonuniyatlar amal qi'lib turishi kerak. Va bu qonuniyatlar yagona sistema ichida birgalikda ishlab turibdi. Men, masalan, shu qonuniyatlarni ta'minlab turuvchi sabab sifatida Allohdan boshqa manbani ko'rmayapman. Ateistlar bu qonunlarning sababini qanday izohlashadi?


Message edited by Bobur - Thursday, 2007-07-19, 5:25 AM
 
ateizmDate: Friday, 2007-07-20, 11:39 AM | Message # 18
Admin
Group: Administrators
Messages: 19
Reputation: -1
Status: Offline
Quote (Bobur)
Men aytmoqchiydimki, agar o'ylash jarayoni materiya bilan bo'ladigan ta'sirlar natijasi bo'lsa, bu ta'sirlar o'zining mohiyatiga zid bo'lgan fikr (fikrlash faqat bu ta'sirlargagina bog'liq emas degan fikr) ni keltirib chiqara olmasligi kerak-ku. (ya'ni mening fikrlashimni materiya va bioelektrik va kimyoviy jarayonlar boshqarganda, men umuman bu bioelektrik va kimyoviy jarayonlarni asosiy manba ekanligini inkor qilishni hayolimga ham keltira olmagan bo'lardim-ku demoqchiman).

Mantiqiy xato. Buning aksini gapirishim ham mumkin: "men fikrlash ilohiy genezisga ega emas, deb fikrlay olaman. Lekin mening fikrlashimni nomaterial nofizik ilohiy quvvat boshqarganda, men umuman bu ilohiy quvvat asosiy manba ekanligini inkor qilishni hayolimga ham keltira olmagan bo'lardim-ku." Argumentingiz bema'ni ekanligini o'zingiz ham sezgan bo'lsangiz kerak.
Quote (Bobur)
Va bu qonuniyatlar yagona sistema ichida birgalikda ishlab turibdi. Men, masalan, shu qonuniyatlarni ta'minlab turuvchi sabab sifatida Allohdan boshqa manbani ko'rmayapman.

Bu deistik nuqtai nazar. Biror bir dinga dastak bo'la olmaydi.
Quote (Bobur)
Ateistlar bu qonunlarning sababini qanday izohlashadi?

Tabiat qonunlari - tabiatning ishi. Agar tabiat qonunlari hayotning yuzaga kelishiga mone'lik qilganida, siz-u biz hozir bu yozuvlarni yozib o'tirmagan bo'lardik.
Shu o'rinda bir voqeani aytib o'tay: masjidda imom Alloh biz yashashimiz va nafas olishimiz uchun atmosferani yaratib qo'ygan, deb lof urar edi. Uning gapi olmadagi qurtlarning "olmani kimdir atayin biz uchun o'stirgan", degan gapiga o'xshab ketadi. Yoki "bosh nega kerak? qalpoq kiyish uchun!" kabi safsata turidan bir gap.
Aytmoqchimanki, hayotning yuzaga kelishi hech ham mo'jiza emas, hayot paydo bo'lmaganida shuni "mo'jiza", deb ataydigan hech kim ham bo'lmasdi.


Thank you for not littering your mind
 
jikkaSEDate: Wednesday, 2007-08-08, 2:40 AM | Message # 19
Private
Group: Users
Messages: 1
Reputation: 0
Status: Offline
Sizni kim yaratgan? Onam va otam desangiz ularnichi? Ularni ota bobolarinichi? Darwin talimotiga ishonasmi?
Unda aytingchi ilohiy mujizalarga qanday qaraysiz? Masalan tarixda nilni ikkiga bulinganini tarixchilar keltirib utishadi.
Bu ishni esa Muso A.S bajargan, u Allohni payg'ambari bulib shu ishga qodir bulgan.

Boshingizni devorga urib yig'lang, nega hammada bor muqaddas din sizga nasib qimaganakan, nega Alloh iymon solmagan ekan qalbizga muhtaram ATEIST!!!
sizni qullab turganlarni ham, sizni ham barchangizni Allohga iymon keltirmay shunday propaganda ishlarini olib borar ekansiz, oxiratingiz kuygan! Vallohu ALAM.
SUF SANDAQA UZBEKKA!!!!

 
ateizmDate: Wednesday, 2007-08-08, 2:59 AM | Message # 20
Admin
Group: Administrators
Messages: 19
Reputation: -1
Status: Offline
Xush kelibsiz, hurmatli jikkaSE!
Quote (jikkaSE)
Darwin talimotiga ishonasmi?

Darwin ta'limoti degan narsani bilmayman, axir Charles Darwin avliyo-anbiyo yoki faylasuf bo'lmaganki, ta'limot o'ylab topib, muridlar orttirsa. Darwin'ning turlarning kelib chiqishi haqidagi gipotezasi bo'lgan, xolos. Keyinchalik o'sha gipoteza qator dalillar bilan tasdiqlanib, evolyutsiya nazariyasiga aylandi; va ko'p o'zgartirishlar kiritildi (masalan, genetik ko'chish - drift kabilar, zero Darwin yashagan paytda genlar haqida bilishmas edi). Zamonaviy biologiyada Darwin asos solgan evolyutsiya nazariyasidan boshqa tayinli-tuturiqli nazariya yo'q. Kreatsionizm degani chiqdi, lekin uning rost ekanligiga qat'iy dalil yo'q.
Quote (jikkaSE)
Unda aytingchi ilohiy mujizalarga qanday qaraysiz?

Ilohiy mo'jizalar? Qaysi dindagi? Siz faqatgina islomiy propaganda kitoblarini o'qigan ko'rinasiz. Xristianlar ham, boshqa din vakillari ham faqat o'z dinlarining haq ekanligini tasdiqlovchi talaygina "mo'jiza"lar keltirishadi. Xo'sh, qaysi biriga ishonaylik? Qolaversa, bu mo'jizalarning oddiy ko'zbo'yamachili-gu Photoshop mahsuli emasligiga qanday kafolat bor? Nega olamni biz qandaydir mo'jizalarga tayanib o'rganishimiz kerak, tayyorgina fan turganida?
Quote (jikkaSE)
Bu ishni esa Muso A.S bajargan, u Allohni payg'ambari bulib shu ishga qodir bulgan.

Shunday deb o'ylaysizmi? Yahudiylar esa boshqacha fikrda...
Quote (jikkaSE)
Boshingizni devorga urib yig'lang, nega hammada bor muqaddas din sizga nasib qimaganakan, nega Alloh iymon solmagan ekan qalbizga muhtaram ATEIST!!!

Hammada bor? Dunyoda qancha musulmon bor? Milliardmi? Ulardan qanchasi 5 vaqt namoz o'qiydi? Yuz millionimi? Ulardan qanchasi zakot beradi? O'n millionimi? Hammada bor, deb og'iz ko'pirtiravermang.
Alloh esa yo'q, bo'lmagan ham. Faqat 5 harfli so'zdir, xolos.
Quote (jikkaSE)
sizni qullab turganlarni ham, sizni ham barchangizni Allohga iymon keltirmay shunday propaganda ishlarini olib borar ekansiz, oxiratingiz kuygan!

Meni qo'llab turganlar kim ekan-a?.. Qolaversa, bunaqa sayt bilan forumni yasash uchun homiy kerak ekanmi?
Propagandani Chorsudagi "Hidoyat sari", "Ilohiy mo'jizalar" kitoblari va disklaridan topasiz.
Quote (jikkaSE)
SUF SANDAQA UZBEKKA!!!!

UZBEKmish. O‘zbek so'zi qanday yozilishini bilmaydigan odam O‘zbek bo'la oladimi?


Thank you for not littering your mind
 
BoburDate: Wednesday, 2007-10-03, 1:39 PM | Message # 21
Private
Group: Users
Messages: 15
Reputation: 0
Status: Offline
Quote (ateizm)
Mantiqiy xato. Buning aksini gapirishim ham mumkin: "men fikrlash ilohiy genezisga ega emas, deb fikrlay olaman. Lekin mening fikrlashimni nomaterial nofizik ilohiy quvvat boshqarganda, men umuman bu ilohiy quvvat asosiy manba ekanligini inkor qilishni hayolimga ham keltira olmagan bo'lardim-ku." Argumentingiz bema'ni ekanligini o'zingiz ham sezgan bo'lsangiz kerak.

Bizning misollarimizda bitta farq bor: agar ongni Ilohiy kuch boshqarayotgan bo'lsa, u insonga ma'lum fikrlash erkinligini bera oladi, materiya esa bunday hususiyatga ega emas.

Added (2007-10-03, 1:12 Pm)
---------------------------------------------

Quote (ateizm)
Bu deistik nuqtai nazar. Biror bir dinga dastak bo'la olmaydi.

'Deistik nuqtai nazarga ko`ra, xudo olamni yaratib qo`yib, unga boshqa aralashmagan; dinlarni esa odamlar yaratishgan.
'
Deistik nuqtai nazarning asosiy xatosi shuki, unda Xudoni bir ermak uchun ish qiladigan bekorchiga chiqarib qo'yilgan. Har tomonlama komil sifatlar egasi bo'lgan Yaratuvchi olamni va insonlarni bekorga va behudaga yaratishi mantiqqa to'g'ri kelmaydi. Bu fikr barcha dinlarning asosiy g'oyasi hisoblanadi. Deizmning mantiqdan uzoq ekanligini ateistlarning o'zlari ham tasdiqlashsa kerak deb o'ylayman.

Added (2007-10-03, 1:29 Pm)
---------------------------------------------

Quote (ateizm)
Tabiat qonunlari - tabiatning ishi. Agar tabiat qonunlari hayotning yuzaga kelishiga mone'lik qilganida, siz-u biz hozir bu yozuvlarni yozib o'tirmagan bo'lardik.

Tabiatda iroda-hohish yo'q. U qanday qilib biror ishni hal qilishi, biror narsaga mone'lik qilishi mumkin? Biz insonlarda mustaqil fikrlash va anglash qobiliyati bor. Bunday qobiliyatli mavjudotlarning vujudga kelishiga sabab bo'lgan narsa faqatgin (fikrlay olmaydigan va anglamaydigan) tabiat bo'lishi mumkin emas. Tabiatdagi qaysi elementni olib ko'rmang, azaldan mavjud bo'lgan emas, keyin shakllangan, vujudga kelgan. 'Tabiat' so'zi lug'aviy jihatdan ham 'tug'ilgan, yaralgan' degan ma'nolarni beradi. Shunday ekan, tabiatni hayotni yuzaga keltiruvchi kuch sifatida ham qarash to'g'ri emas.

Added (2007-10-03, 1:39 Pm)
---------------------------------------------

Quote (ateizm)
Shu o'rinda bir voqeani aytib o'tay: masjidda imom Alloh biz yashashimiz va nafas olishimiz uchun atmosferani yaratib qo'ygan, deb lof urar edi. Uning gapi olmadagi qurtlarning "olmani kimdir atayin biz uchun o'stirgan", degan gapiga o'xshab ketadi.

Lof urish deb biror narsani bo'rttirishga aytiladi. Imom 'Alloh olamni yaratgan' degan fikrga asoslanib yuqoridagi gapni aytgan, xolos. Qurtlar "olmani kimdir atayin biz uchun o'stirgan" deb gapirishi haqiqatda kulgili, chunki qurtlar odatda o'zining kimligi, qanday qilib dunyoga kelganligi haqida, tabiiyki o'zlari yeb turgan olmaning qanday qilib paydo bo'lganligi haqida fikr yuritmaydi. Lekin (deyarli barcha) insonlar bular haqida fikr yuritadilar, demak, insonni qurt bilan solishtirish noto'g'ri.
 
ateizmDate: Thursday, 2007-10-04, 3:45 AM | Message # 22
Admin
Group: Administrators
Messages: 19
Reputation: -1
Status: Offline
Quote (Bobur)
Bizning misollarimizda bitta farq bor: agar ongni Ilohiy kuch boshqarayotgan bo'lsa, u insonga ma'lum fikrlash erkinligini bera oladi, materiya esa bunday hususiyatga ega emas.

Biror narsani boshqarish undan erkinlikni olib qo'yish deganidir.
Materiyaning asosiy xususiyati esa uzluksiz energiya ta'sirida mukammalasha olishi, evolutsiyalanishidir (gaz-chang bulutidan qizigan sharlar - yulduzlar paydo bo'lganidek). Bu evolutsiya muayyan materiya konfiguratsiyasining fikrlay olishiga olib keladi (zero, buni ko'rib turibmiz).
Umuman olganda, sizning xudo mavjudligini isbotlash yo'lida keltirgan argumentingiz dualizmga oiddir.
Quote (Bobur)
Deistik nuqtai nazarning asosiy xatosi shuki, unda Xudoni bir ermak uchun ish qiladigan bekorchiga chiqarib qo'yilgan. Har tomonlama komil sifatlar egasi bo'lgan Yaratuvchi olamni va insonlarni bekorga va behudaga yaratishi mantiqqa to'g'ri kelmaydi.

Nega? Xudo olamni va undagi fizik qonunlarni yaratib, o'zi chetga o'tib, kuzatuvchi rolini ololmaydimi? Tajriba o'tkazayotgandek. Yoki siz, dindorlarning ta'biri bilan aytganda, "imtihon" qilayotgandek.
Bizni behudaga yaratmagan bo'lsa, nega yaratgan? Egilib-turib ibodat qilishgami? Qani bu yerda ratsional sabab? Bu ham "bekorga va behudaga" degan gap.
Quote (Bobur)
Tabiatda iroda-hohish yo'q. U qanday qilib biror ishni hal qilishi, biror narsaga mone'lik qilishi mumkin?

Ha, tabiat ongsiz. Biroq u ma'lum qonunlarga bo'ysunadi. Biror narsaga mone'lik qilishi mumkin. Masalan, siz qanchalik baland sakramang, aqalli doiraviy orbitaga ham chiqa olmaysiz. Gravitatsiya mone'lik qiladi. Bu fundamental mone'lik, fundamental taqiq. Buni buzsa bo'ladi, dahshatli darajada katta energiya bilan, zero cheksiz kuchga ega mone'lik hech qayerda yo'q. Yoki boshqa taqiq, bunisi kuchsizroq: mushuk o'z bolasini yemaydi, instinkt mone'lik qiladi. Lekin bu instinktga ham qarshi chiqish mumkin, ekstremal vaziyatlarda. Chunki bu endi fundamental mone'lik emas. Va hokazo. Tabiat ko'p va xo'p narsalarga mone'lik qila oladi.
Quote (Bobur)
Tabiatdagi qaysi elementni olib ko'rmang, azaldan mavjud bo'lgan emas, keyin shakllangan, vujudga kelgan.

Kimyoviy element haqida gapirsangiz mayli. Lekin umuman "element" ma'nosida yozgan bo'lsangiz, adashasiz. Energiya-chi? Uning doimo saqlanishi haqidagi qonun qayerga ketdi? Energiya yo'q bo'la olmaydi, jilla qursa materiyaga aylanib ketadi.


Thank you for not littering your mind
 
ateizmDate: Thursday, 2007-10-04, 3:45 AM | Message # 23
Admin
Group: Administrators
Messages: 19
Reputation: -1
Status: Offline
Quote (Bobur)
...chunki qurtlar odatda o'zining kimligi, qanday qilib dunyoga kelganligi haqida, tabiiyki o'zlari yeb turgan olmaning qanday qilib paydo bo'lganligi haqida fikr yuritmaydi. Lekin (deyarli barcha) insonlar bular haqida fikr yuritadilar, demak, insonni qurt bilan solishtirish noto'g'ri.

Aslida men bu kabi o'xshatishlarni xudojo'ylardan eshitganman. Akvariumdagi baliqlarning xudo bor-yo'qligi haqidagi yoki embrionlarning "tug'ilishdan keyin hayot bor-yo'qligi haqidagi "bahslari" atrofidagi latifalarni eshitgan bo'lsangiz kerak. O'z qurolingizni o'zingizga qaratdim, xolos.


Thank you for not littering your mind
 
BoburDate: Thursday, 2007-10-04, 3:03 PM | Message # 24
Private
Group: Users
Messages: 15
Reputation: 0
Status: Offline
Quote (ateizm)
Materiyaning asosiy xususiyati esa uzluksiz energiya ta'sirida mukammalasha olishi, evolutsiyalanishidir (gaz-chang bulutidan qizigan sharlar - yulduzlar paydo bo'lganidek).

Quote (ateizm)
Energiya-chi? Uning doimo saqlanishi haqidagi qonun qayerga ketdi? Energiya yo'q bo'la olmaydi, jilla qursa materiyaga aylanib ketadi.

Materiyaning bir ko'rinishdan boshqasiga o'tishi, ma'lum konfiguratsiyalarga ega bo'lishiga sabab energiya deyapsiz. Fizikaga ko'ra, energiyaning bir turdan boshqasiga o'tishi uchun albatta unga biror KUCH ta'sir qilishi kerak. Kuch ta'sirisiz hech qanday xarakat yoki tezlik o'zgarishi ham sodir bo'lmaydi. Fizikada bir muhim jihat eslatib o'tiladi: tabiiy sharoitda mexanik energiya ishqalanish kuchlari ta'sirida issiqlik energiyasiga aylanadi. Borliqda ro'y berayotgan tabiiy va kimyoviy o'zgarishlar esa issiqlik almashinuvisiz bo'lmaydi. Ma'lumki issiq jismdan atrofidagi nisbatan sovuq jismlarga harorat o'tib turadi. Bu degani butun borliqdagi jismlarning issiqligi tenglashib boradi degani. Demak, shunday muddat keladiki, barcha jismlarning harorati tenglashib, muvozanat holiga keladi. Bu muvozanatni buzib, yana energiya almashinuvi boshlanishi uchun baribir BOSHLANG'ICH KUCH kerak bo'ladi. Bu fikrlarga nima deysiz? Xato joylari bo'lsa ko'rsating.

Added (2007-10-04, 12:49 Pm)
---------------------------------------------

Quote (ateizm)
Bu evolutsiya muayyan materiya konfiguratsiyasining fikrlay olishiga olib keladi (zero, buni ko'rib turibmiz).

Insonning fikrlashi materiyadan ekanligi, bu evolutsiya natijasi ekanligi haqidagi fikr hali nazariya, 'buni ko'rib turibmiz' emas, 'bunga ishonib turibmiz' deyish to'g'riroq.

Added (2007-10-04, 1:00 Pm)
---------------------------------------------

Quote (ateizm)
Umuman olganda, sizning xudo mavjudligini isbotlash yo'lida keltirgan argumentingiz dualizmga oiddir.

Tushunishimcha, dualizm - bu tana va ruh alohida narsa, ruh tanadan mustaqil bo'la oladi degan fikrda bo'lishdir. Bu Islomiy aqiydaga to'g'ri keladi. Dualizmga oid fikrning nimasi yomon?

Added (2007-10-04, 1:32 Pm)
---------------------------------------------

Quote (ateizm)
Nega? Xudo olamni va undagi fizik qonunlarni yaratib, o'zi chetga o'tib, kuzatuvchi rolini ololmaydimi? Tajriba o'tkazayotgandek. Yoki siz, dindorlarning ta'biri bilan aytganda, "imtihon" qilayotgandek.

Maqsadsiz ish qilish Ilohlik sifatiga zid. Oddiy insonlar ham maqsadsiz biror narsa qilishni aqlli ish deb hisoblamaydilar.
Quote (ateizm)
Bizni behudaga yaratmagan bo'lsa, nega yaratgan? Egilib-turib ibodat qilishgami? Qani bu yerda ratsional sabab? Bu ham "bekorga va behudaga" degan gap.

Ha, ibodat qilish uchun yaratgan. Ibodat deganda faqat namozni tushunmaslik kerak. Alloh ko'rsatmalari asosida qilingan har bir ish ibodat hisoblanadi. Halol yo'l bilan pul ishlab topish, insonlarga manfaati tegadigan ilmni o'rganish, jamiyatga foydali biror ishni amalga oshirish ham ibodat. Bu ishlarga quvvat olish uchun ovqatlanish va hordiq chiqarish ham ibodat.

Added (2007-10-04, 2:01 Pm)
---------------------------------------------

Quote (ateizm)
Ha, tabiat ongsiz. Biroq u ma'lum qonunlarga bo'ysunadi ... ... Tabiat ko'p va xo'p narsalarga mone'lik qila oladi.

Gravitatsiya, tabiiy instinkt kabi narsalarni 'tabiat' emas, 'tabiatdagi qonuniyatlar' deyilsa to'g'riroq. Tabiatdagi elementlar shu qonuniyatlarga (siz aytganingizdek) bo'ysunadi. Tabiatning o'zi emas, undagi qonuniyatlar mone'lik qila oladi. Endi gravitatsiyani olib qaraylik. Elektron va protonlar gravitatsion maydon hosil qilganligi uchun tabiatda gravitatsiya mavjud. Lekin elektron shu gravitatsion maydonni hosil qilishi uchun ham baribir biror sabab bo'lishi kerak. Tabiiy instinktga ham shunday. Masalan, ilm elektronda gravitatsion maydon hosil bo'lishini ta'minlaydigan komponentlarni kashf qildi, deylik. Baribir yangi savol paydo bo'ladi: shu komponentlar maydon hosil qilishini ta'minlashi uchun ham qandaydir sabab bo'lishi kerak. 'Tabiat qonunlari - tabiatning ishi' deyish bilan buni izohlab bo'lmaydi. 'Ateistlar bu qonunlarning sababini qanday izohlashadi?' degan savolga qoniqarli javob bo'lmadi.

Added (2007-10-04, 3:03 Pm)
---------------------------------------------

Quote (ateizm)
Evolyutsiya nazariyasini tushunishingiz kerak. Odam "lop" etib bir kecha-kunduzda, hatto muqaddas kitoblaringiz aytadigan 6 kecha-kunduzda ham paydo bo'lib qolmagan, balki 3 milliard (!) yillik evolyutisyalanish natijasida yuzaga kelgan. Va hamon evolyutsiyalanmoqda. Asta-sekinlik bilan. Biologiya esa miya tugul, ko'z evolyutsiyasini ham o'rgandi. G'ayritabiiylik yo'q ekanligi aniqlandi.

Evolyutsiya nazariyasi 'borliqdagi narsalar tasodifiy o'zgarishlar natijasida vujudga kelgan' degan fikrga asoslanadi. Mantiqan olib qaralsa, tasodifiy o'zgarishlar evolyutsiyalangan mavjudot bu jarayonning qanday ro'y berishiga (o'zining qanday paydo bo'lganiga) qiziqishi, o'rganishga ehtiyoj sezishi ham kerak emas. Shunchaki hech narsa to'grisida bosh qotirmasdan, o'ylamasdan evolyutsiyalanishda davom etaverishi kerak edi. Lekin insonni (aynan insonni) eng qiziqtiradigan mavzu aynan shu masaladir. Matematik jihatdan olib qaralsa ham, biz hozir yashab turgan hayotning tasodifan vujudga kelishi ehtimoli cheksiz imkoniyatdan bitta, ya'ni 0 ga teng. Evolyutsionistlarning fikrini fakt deb keltirish ham to'g'ri emas, chunki bu o'z oti bilan nazariya, faraz. Inson hamon evolyutsiyalanayotganligiga misol keltira olasizmi?
 
Forum » Ateistik forum » Asosiy forum » O`zbekistonda ateizm (birinchi mavzu)
Page 2 of 2«12
Search: