|
Nega ateizmni yomon ko`rasiz?
|
|
| ateizm | Date: Saturday, 2007-06-23, 12:34 PM | Message # 1 |
 Admin
Group: Administrators
Messages: 19
Status: Offline
| Aslida, birinchi mavzu qilib shuni ochishim kerak edi... Ko`pchilik dindorlar ateistlarga toqat qila olmaydi. Buning har xil sabablari bo`lishi mumkin. So`ramoqchi bo`lganim: aynan siz nega ateizmni yoqtirmaysiz? Tayinli izoh beringiz, iltimos.
Thank you for not littering your mind
|
| |
| |
| Bobur | Date: Thursday, 2007-06-28, 7:15 AM | Message # 2 |
|
Private
Group: Users
Messages: 15
Status: Offline
| Dindor inson meni Mehribon, Adolatli Yaratuvchim bor, u meni eng oliy mavjudot - Inson qilib, oliy maqsad uchun yaratgan deb ishonadi, butun hayotidagi eng qalbiga quvonch soladigan narsasi shu iymoni bo'ladi, shunday ekan, endi o'z Yaratuvchisini tan olishni hohlamagan, buning ustiga Unga qarshi gaplarni aytib iymoniga salbiy ta'sir ko'rsatadigan insonni yomon ko'rishi tabiiy.
|
| |
| |
| ateizm | Date: Thursday, 2007-06-28, 8:20 AM | Message # 3 |
|
Admin
Group: Administrators
Messages: 19
Status: Offline
| Quote (Bobur) Mehribon, Adolatli Yaratuvchim bor
Xo`sh, deylik xudo bor. Nega Mehribon, Adolatli Yaratuvchi o`zi yarat, taqdirini o`zi belgilagan odamlarni do`zaxga tiqib, beayov qiynoqlarga soladi? Qolaversa, bu dunyoda ham ko`pdan-ko`p azob-uqubatlarga ro`para qiladi?
Quote (Bobur) u meni eng oliy mavjudot - Inson qilib, oliy maqsad uchun yaratgan deb ishonadi
Qanday oliy maqsad?
Quote (Bobur) endi o'z Yaratuvchisini tan olishni hohlamagan, buning ustiga Unga qarshi gaplarni aytib iymoniga salbiy ta'sir ko'rsatadigan insonni yomon ko'rishi tabiiy.
Ateist o`sha Yaratuvchini bor, deb o`ylamaydi. Shunday ekan, qanday qilib unga qarshi gap aytadi?
Thank you for not littering your mind
|
| |
| |
| Bobur | Date: Friday, 2007-06-29, 6:38 AM | Message # 4 |
|
Private
Group: Users
Messages: 15
Status: Offline
| Quote (ateizm) Xo`sh, deylik xudo bor. Nega Mehribon, Adolatli Yaratuvchi o`zi yarat, taqdirini o`zi belgilagan odamlarni do`zaxga tiqib, beayov qiynoqlarga soladi? Qolaversa, bu dunyoda ham ko`pdan-ko`p azob-uqubatlarga ro`para qiladi? Yaratuvchi odamlarning taqdirini belgilamaydi, lekin ilmi orqali oldindan biladi. Masalan, professional o'qituvchi o'zi yillar davomida o'qitgan o'quvchilarining qobiliyati, irodasi, xarakterini o'rganish natijasida imtihonda qanday natija ko'rsatishini oldindan 80-90% aniqlik bilan biladi. Endi Yaratuvchi o'zi yaratgan odamlarni mukammal bilishi, ular bilan kelajakda qanday voqealar sodir bo'lishini oldindan bilishi tabiiy. Har bir insonning taqdiri oldindan taqdir kitobida bitilganligini bildirishdan asosiy maqsad - boshiga sinov, o'gir musiybat kelganda 'bundoq qilsam, oldini olsam bo'lardi-ya' deb o'tgan ishga afsuslanib, yuragini siqib, o'zini qiynamasligi va biror yaxshi, omadli natija, quvonchli hodisaga duch kelganda haddan tashqari xursand bo'lib, gururlanib, hovliqib ketmasligi (qattiq xursand bo'lish ham yurakka salbiy ta'sir qiladi) uchun. Yoki oldinda turgan qiyinchiliklardan ortiqcha xavfsiramay, 'nima bo'lsa ham taqdir qilib yozilgani bo'ladi' deb olg'a intilish oson bo'lishi uchun. Yaratuvchi insonga aql, tafakkur, iroda, ma'lum ishlarda ihtiyor bergan. Insonning do'zaxga kirishiga faqat o'zi qilgan amallari, jinoyatlari sabab bo'ladi. Bu dunyodagi azob-uqubatlar yoki sinov, yoki ogohlantirish, yoki jazo bo'lishi mumkin. Added (2007-06-29, 6:36 Am)
---------------------------------------------
Quote (ateizm) Qanday oliy maqsad?
Yaratuvchi har bir insonga nafs va aql bergan. Aql bilan tafakkur qilib, O'zining borligini anglash, ilm o'rganish orqali tanish salohiyatini bergan. Yaratuvchisini yaxshi tanigan inson albatta uni yaxshi ko'radi, hurmat qiladi. Lekin iymon keltirish bilan ish bitmaydi. Din amallari orqali insonning nafsi sinaladi. Ba'zida Yaratuvchini tan olish uchun inson ichidagi kibrni, o'jarlikni yengishi kerak bo'ladi. Gunoh, jinoyat, buzuq deb hisoblangan ishlar, ma'lum narsalarni iste'mol qilishdan qaytarish ham kimdir uchun mashaqqatli kechadi. Ibodat qilish, ro'za tutish ham nafsga ba'zida yaxshigina og'ir keladi. Zakot, sadaqaga buyurish orqali inson mol-dunyoga bo'lgan ishtiyoqidan ham sinaladi. Yolg'ondan qaytarish, har bir ishda adolatli bo'lishga buyurish orqali insof-vijdon ham qattiq sinaladi. G'azabdan tiyilishga buyurish orqali iroda kuchi ham sinaladi. Hullas, Islom insonni hamma tomondan sinab, gunohlardan poklanib, ulardan hazar qiladigan darajaga olib chiqadi, illatlardan halos qiladi, insoniy fazilarlarga erishtiradi, irodasini nihoyatda chiniqtiradi, o'z nafsining istak-hohishidan Yaratuvchisi ning hukmlarini ustun qo'yishga o'rgatadi. Bularga amal qilishda va boshqalarni ham Islomga da'vat qilishda ta'na, malomat, kulgiga qolish, mashara bo'lish, yakkalanish, iqtisodiy, jismoniy, ruhiy tangliklarga tushish albatta ro'y beradi. Bularning barchasidan sabr bilan o'tgan inson Yaratuvchi tomonidan munosib taqdirlanadi. Yer yuzida insondan mukarramroq, hurmatliroq mavjudot yo'q. Inson mavjudotlarning gultoji, deb hisoblanadi. Eng oliy mavjudotning Eng oliy Zotning roziligini topish uchun qilgan harakatlari olamdagi eng mazmunli va chiroyli ishlar bo'ladi-da.Added (2007-06-29, 6:38 Am)
---------------------------------------------
Quote (ateizm) Ateist o`sha Yaratuvchini bor, deb o`ylamaydi. Shunday ekan, qanday qilib unga qarshi gap aytadi?
Yaratuvchi albatta bor deb ishongan odamga ateistning 'nega xudo bor bo'lsa undoq qilgan, bundoq qilmagan' deyishi Yaratuvchini behurmat qilish bo'lib ko'rinadi-da. Ateist esa o'zini Yaratuvchiga yoqmaydigan gapni aytyapman deb o'ylamaydi.
|
| |
| |
| ateizm | Date: Friday, 2007-06-29, 9:42 AM | Message # 5 |
|
Admin
Group: Administrators
Messages: 19
Status: Offline
| Quote (Bobur) Yaratuvchi odamlarning taqdirini belgilamaydi
E, yashang! Bu gapingizni o`qigan musulmonlar (ba`zi boshqa din vakillari ham) sizni toshbo`ron qilishlaridan qo`rqmaysizmi?  Axir, Allohning qo`lida mutlaq hamma narsa ekanligini uqtirishmaganmi?
Quote (Bobur) Masalan, professional o'qituvchi o'zi yillar davomida o'qitgan o'quvchilarining qobiliyati, irodasi, xarakterini o'rganish natijasida imtihonda qanday natija ko'rsatishini oldindan 80-90% aniqlik bilan biladi.
Xudo bilan solishtirish uchun o`qituvchini misol qilib olish to`g`ri emas. Zero o`qituvchi o`quvchilarning aqli va bilimini o`zi belgilamagan, ularni bu imtihonga zo`rlab tiqmagandir, imtihonda yiqilsa, abadiy jazo bermaydi ham.
Quote (Bobur) Insonning do'zaxga kirishiga faqat o'zi qilgan amallari, jinoyatlari sabab bo'ladi.
Inson qanday amal qilmasin, uni xudoning irodasi bilan qiladi, agar xudo istamasa, u shu bad amallarni zinhor-bazinhor qila olmaydi, to`g`rimi? Shu haqda hech o`yladingizmi?
Quote (Bobur) Hullas, Islom insonni hamma tomondan sinab, gunohlardan poklanib, ulardan hazar qiladigan darajaga olib chiqadi
Ya'ni, sizningcha, oliy maqsad - insonni tozalash? Lekin bu insonning nima uchun yaratilganligini izohlab bermaydi.
Quote (Bobur) slomga da'vat qilishda ta'na, malomat, kulgiga qolish, mashara bo'lish, yakkalanish, iqtisodiy, jismoniy, ruhiy tangliklarga tushish albatta ro'y beradi.
Islomiy o`lkalarda aynan ateistlar va umuman dinsizlar mana shunday ta'na-malomatlarga qolayotgani haqida nima deysiz?
Yana bir savol: sahifamizdagi maqolalarni hech o`qidingizmi?
Thank you for not littering your mind
|
| |
| |
| Bobur | Date: Friday, 2007-07-06, 7:36 AM | Message # 6 |
|
Private
Group: Users
Messages: 15
Status: Offline
| Quote (ateizm) E, yashang! Bu gapingizni o`qigan musulmonlar (ba`zi boshqa din vakillari ham) sizni toshbo`ron qilishlaridan qo`rqmaysizmi? Axir, Allohning qo`lida mutlaq hamma narsa ekanligini uqtirishmaganmi? Inson qanday amal qilmasin, uni xudoning irodasi bilan qiladi, agar xudo istamasa, u shu bad amallarni zinhor-bazinhor qila olmaydi, to`g`rimi? Shu haqda hech o`yladingizmi? "Yaratuvchi odamlarning taqdirini belgilamaydi" deb yozganim mening xatoim. Allohning qo`lida mutlaq hamma narsa ekanligi to'g'ri. Lekin Alloh Taolo insonga iymon yoki kufr yo'lini tanlashda ihtiyor bergan. Ularga zulm qilib, gunohga majbur qilishdan pok. Added (2007-07-06, 7:32 Am)
---------------------------------------------
Quote (ateizm) Xudo bilan solishtirish uchun o`qituvchini misol qilib olish to`g`ri emas. Zero o`qituvchi o`quvchilarning aqli va bilimini o`zi belgilamagan, ularni bu imtihonga zo`rlab tiqmagandir, imtihonda yiqilsa, abadiy jazo bermaydi ham. Alloh Taolo insonlarning aqli va bilimini o'zi belgilagan, shuning uchun aqli yetmagan va bilmagan narsasi uchun inson javobgar bo'lmaydi. Lekin bor aqlini ishlatmaganligi va bilishga xarakat qilmaganligi uchun javobgar bo'ladi. Inson Allohdan va oxiratdan noumid bo'lib, faqat do'zaxni o'ylasa o'zini xuddi zo'rlab imtihonga tiqilgandek his qiladi, Alloh Taoloni Yaratgan Robbim deb yaxshi ko'rgan inson 'shunchalik azizu mukarram inson qilib yaratganiga shukur, iymon keltirib, ibodat qilib, berganiga shukr qilib, sinovlariga sabr qilib o'tsam, albatta va'dasida turadi, gunohlarinmni kechiradi, jannatiga kiritadi' deb umid bilan yashaydi. Alloh abadiy jazoni qalbida kibr, munofiqlik, haqiqatni ko'rib bilib turib tan olmaslik kabi illatlari tufayli shirk, kufr yo'lini tanlaganlarga beradi. Added (2007-07-06, 7:35 Am)
---------------------------------------------
Quote (ateizm) Ya'ni, sizningcha, oliy maqsad - insonni tozalash? Lekin bu insonning nima uchun yaratilganligini izohlab bermaydi. Islomiy aqiydaga ko'ra, yaratishdan Oliy maqsad - insonning Alloh Taologa ibodat qilishi. Alloh Taolo hammadan Oliy bo'lgan va hech qachon o'lmaydigan, yo'q bo'lmaydigan Zot. Bu dunyoda shunday Zotning roziligi uchun qilingan yaxshiliklar Uning huzurida abadiy qoladi, bu yaxshiliklar evaziga beriladigan jannat mukofotlari ham shunga yarasha oliy va abadiy bo'ladi. Added (2007-07-06, 7:36 Am)
---------------------------------------------
Quote (ateizm) Islomiy o`lkalarda aynan ateistlar va umuman dinsizlar mana shunday ta'na-malomatlarga qolayotgani haqida nima deysiz? O'z Yaratgan Robbisini inkor qilgan yoki unga ibodat qilishdan kibr qilgan inson eng qattiq ta'na malomatlarga loyiq emasmi? Iymonli odam Allohdan qo'rqib yashaydi, ateist va dinsizlar o'zlariga o'hshagan oddiy insonlarning ta'na malomatlaridan havotirlanib, qo'rqib yashaydilar.
|
| |
| |
| ateizm | Date: Friday, 2007-07-06, 10:23 AM | Message # 7 |
|
Admin
Group: Administrators
Messages: 19
Status: Offline
| Quote (Bobur) Allohning qo`lida mutlaq hamma narsa ekanligi to'g'ri. Lekin Alloh Taolo insonga iymon yoki kufr yo'lini tanlashda ihtiyor bergan. Ularga zulm qilib, gunohga majbur qilishdan pok.
Xo'p, odamning ixtiyori o'zida, xudoning qo'lida emas, deylik (lekin bunday emas!). Lekin odamlar biror narsani tanlayotganda, albatta biror faktorlarga suyanadi. O'sha faktorlarni esa xudo yaratib, tayyorlab qoy'gan. Demak, odam tanlov qilayotganda xudo tayyorlagan faktorlarga suyanadi, boshqa iloji ham yo'q.
Quote (Bobur) Inson Allohdan va oxiratdan noumid bo'lib, faqat do'zaxni o'ylasa o'zini xuddi zo'rlab imtihonga tiqilgandek his qiladi, Alloh Taoloni Yaratgan Robbim deb yaxshi ko'rgan inson 'shunchalik azizu mukarram inson qilib yaratganiga shukur, iymon keltirib, ibodat qilib, berganiga shukr qilib, sinovlariga sabr qilib o'tsam, albatta va'dasida turadi, gunohlarinmni kechiradi, jannatiga kiritadi' deb umid bilan yashaydi.
O'zini aldab yashash yaxshimi? "Men baxtliman, men baxtliman", deb och-nahor o'tirgan dindorlar yaxshi mamlakat qura oladimi?
Quote (Bobur) Alloh abadiy jazoni qalbida kibr, munofiqlik, haqiqatni ko'rib bilib turib tan olmaslik kabi illatlari tufayli shirk, kufr yo'lini tanlaganlarga beradi.
Lekin Allohning o'zi ularning "qalbini muhrlab", ko'r qilgan-ku? nega aybni ularga to'nkaydi?
Quote (Bobur) Islomiy aqiydaga ko'ra, yaratishdan Oliy maqsad - insonning Alloh Taologa ibodat qilishi.
Alloh ibodatga muhtojmi? Uning "texnikasi" ibodat degan energiya bilan ishlaydimi? Va birovga kunu-tun egilib-turib namoz qilish odamning hayoti ma'nosi bo'la oladimi?
Thank you for not littering your mind
|
| |
| |
| ateizm | Date: Friday, 2007-07-06, 10:23 AM | Message # 8 |
|
Admin
Group: Administrators
Messages: 19
Status: Offline
| Quote (Bobur) Bu dunyoda shunday Zotning roziligi uchun qilingan yaxshiliklar Uning huzurida abadiy qoladi, bu yaxshiliklar evaziga beriladigan jannat mukofotlari ham shunga yarasha oliy va abadiy bo'ladi.
Abadiy hayot sizga kerakmi? Yo'q bo'lib ketishdan qo'rqasizmi? Jannatda nima bilan shug'ullanishadi? Jannatda bo'lishdan maqsad nima?
Quote (Bobur) O'z Yaratgan Robbisini inkor qilgan yoki unga ibodat qilishdan kibr qilgan inson eng qattiq ta'na malomatlarga loyiq emasmi?
"Bizga har yangi yilda sovg'a tarqatuvchi Qorboboni yo'q, degan odamni ta'na-malomatga loyiq emasmi?"
Sizning gaplaringiz ham shunga o'xshaydi.
Quote (Bobur) Iymonli odam Allohdan qo'rqib yashaydi, ateist va dinsizlar o'zlariga o'hshagan oddiy insonlarning ta'na malomatlaridan havotirlanib, qo'rqib yashaydilar.
Men dinsizman. Ta'na-malomatlardan qo'rqmasdan yashayman. Qo'rquv din asosidir, dinni tashlagan odam qo'rquvdan ham xoli bo'ladi. O'limdan ham qo'rqmayman. Shuning uchun bu gapingiz noo'rin.
Thank you for not littering your mind
|
| |
| |
| Bobur | Date: Wednesday, 2007-10-03, 2:03 PM | Message # 9 |
|
Private
Group: Users
Messages: 15
Status: Offline
| Quote (ateizm) Demak, odam tanlov qilayotganda xudo tayyorlagan faktorlarga suyanadi, boshqa iloji ham yo'q.
Xudo har bir aqli normal insonga o'zini tanish va ibodat qilish uchun yetarli qobiliyatlar bergan. Odam shu aql asosida tanlaydi. Nega aqlli bo'lib olmading deb so'ralmaydi, lekin nega imkoning doirasida aql yuritmading deb so'raladi.Added (2007-10-03, 2:03 Pm)
---------------------------------------------
Quote (ateizm) Lekin Allohning o'zi ularning "qalbini muhrlab", ko'r qilgan-ku? nega aybni ularga to'nkaydi?
'Ular haqdan burilgan edilar, Alloh ularning qalbini burib qo'ydi'. Avval insonning o'zidan o'tadi.
|
| |
| |
| ateizm | Date: Thursday, 2007-10-04, 2:09 AM | Message # 10 |
|
Admin
Group: Administrators
Messages: 19
Status: Offline
| Quote (Bobur) Xudo har bir aqli normal insonga o'zini tanish va ibodat qilish uchun yetarli qobiliyatlar bergan. Odam shu aql asosida tanlaydi. Nega aqlli bo'lib olmading deb so'ralmaydi, lekin nega imkoning doirasida aql yuritmading deb so'raladi.
Keling, bir muhim masalani eslab olaylik. Siz bor deydigan xudo mutlaqo hamma narsani o'z nazorati ositga olgan. Deylik, agar men ibodat qilsam, bu mutlaqo xudoning irodasi bilan bo'ladi, boshqa hech kimning emas. Yoki birovni bo'g'izlasam, bu ham xudoning istagi bilan amalga oshgan bo'ladi. Xudo istamasa, hech kim istay olmaydi.
Demak, "Imkoning doirasida aql yuritmading" e'tirozi noo'rin bo'lib chiqadi. Zero, aql yuritish-yuritmaslik mutlaqo xudo irodasi bilandir.
Quote (Bobur) 'Ular haqdan burilgan edilar, Alloh ularning qalbini burib qo'ydi'. Avval insonning o'zidan o'tadi.
Inson o'z taqdirini, qilmish-qidirmishlarini o'zi belgilaydi deng? Qoyil, yangi dinga asos solayapsiz, shekilli. "Ular haqdan burilgan edilar", chunki bu ularning taqdirida bor edi, va bu mutlaqo xudoning irodasi, istagi bilan bo'lgan edi.
Thank you for not littering your mind
Message edited by ateizm - Thursday, 2007-10-04, 2:09 AM |
| |
| |
| Bobur | Date: Sunday, 2010-05-16, 10:08 PM | Message # 11 |
|
Private
Group: Users
Messages: 15
Status: Offline
| Quote (ateizm) Keling, bir muhim masalani eslab olaylik. Siz bor deydigan xudo mutlaqo hamma narsani o'z nazorati ositga olgan. Deylik, agar men ibodat qilsam, bu mutlaqo xudoning irodasi bilan bo'ladi, boshqa hech kimning emas. Yoki birovni bo'g'izlasam, bu ham xudoning istagi bilan amalga oshgan bo'ladi. Xudo istamasa, hech kim istay olmaydi.
Demak, "Imkoning doirasida aql yuritmading" e'tirozi noo'rin bo'lib chiqadi. Zero, aql yuritish-yuritmaslik mutlaqo xudo irodasi bilandir. Quote (ateizm) Inson o'z taqdirini, qilmish-qidirmishlarini o'zi belgilaydi deng? Qoyil, yangi dinga asos solayapsiz, shekilli. "Ular haqdan burilgan edilar", chunki bu ularning taqdirida bor edi, va bu mutlaqo xudoning irodasi, istagi bilan bo'lgan edi. Agar insonda ibodat qilish hohishi uyg'ona boshlasa-yu, xudo "YO'Q, HOHLAMASIN", deganda, unda xudoni zolim desa bo'lardi. Lekin xudo o'zi buyurgan narsani hohlashga "RUHSAT" deb qo'ygan. Shunda ham, shu hohishdan ham mahrum qilish qudrati (potenciali) bor. Xudo aql yuritishga buyurgan va bunga ham "RUHSAT" deb qo'ygan. Shunda ham, shu imkoniyatdan mahrum qilish qudrati (potenciali) bor. Deylik, insonda kimnidir o'ldirish hohishi uyg'ona boshladi. Xudo "HOHLASHIGA RUHSAT" dedi. U hohladi va pichoq bilan urmoqchi bo'ldi. Xudo "URISHGA QODIR BO'LSIN, QO'LLARI ISHLASHGA QODIR BO'LSIN", dedi. U pichoq bilan zarba berdi. Xudo "PICHOQ KESISHIGA RUHSAT", dedi. Pichoq kesdi va odam qon yo'qotdi. Xudo "O'LSIN", dedi. Haligi odam o'ldi.
Insonda haqdan burilish hohishi uyg'ona boshladi. Xudo "HOHLASHIGA RUHSAT" dedi. U hohladi. Xudo "TANLASHGA QODIR BO'LSIN", dedi. U tanladi.
Bu yerda xudoni aybdor deyish to'g'rimi? Xudo insonni sinash uchun gunohga imkoniyat berib qo'yganligi zulm emas. Endi TAQDIR masalasi.
Insonda haqdan burilish hohishi paydo bo'ldi (hali bir qarorga kelmay turibdi). Bu paytda shu narsa taqdirida bor-yo'qligini bilmaydi (chunki unda hozircha faqat hohish paydo bo'ldi, lekin hali haqdan burilganicha yo'q). 1-variant. Bu holatda inson "TAQDIRIMDA ANIQ HAQDAN BURILISH YOZILGAN (men buni aniq bilaman), SHUNING UCHUN MEN BU YOLDAN KECHDIM", desa, yolg'on gapirgan bo'ladi. Chunki u taqdirda yozilganini bilgani sababli emas, o'zi atayin hohlagani sababli haqdan burilgan bo'ladi. Bunda u haqni tan olmagani uchun jazolanishga loyiq. 2-variant. Bu holatda inson "TAQDIRIMDA HAQDAN BURILISH YOZILGAN BO'LSA KERAK, ANIQ BILMAYMANU, LEKIN AGAR SHUNDAY BO'LSA, OVORA BO'LIB QOLMAY, BU YO'LDAN KECHDIM (xattoki taqdirimda jannatga kirish yozilganligi ehtimoli bor bo'lsa ham)", desa, qaysarlik, kibr, o'zboshimchalik bilan xudo buyurgan yolga unamagan bo'ladi. Buning uchun ham jazoga loyiq. 3-variant. Bu holatda inson
"TAQDIRIMDA HAQDAN BURILISH YOZILGAN BO'LISHI MUMKIN, LEKIN TO'G'RI YOLDA YURISH YOZILGAN BO'LISHI HAM MUMKIN.
XUDO BO'LSA TO'G'RI YOLGA YUR DEB BUYURYAPTI.
DEMAK, TAROZINING BU PALLASI BOSYAPTI.
BO'LDI, XUDO BUYURGAN YO'LGA YURAVERAY.", desa, to'g'ri fikrlagan bo'ladi.
|
| |
| |
