Thursday, 2024-03-28, 4:32 PM
 
Bosh sahifa Ro`yxatdan o`tish Kirish
Xush kelibsiz, Guest · RSS
[ New messages · Members · Forum rules · Search · RSS ]
  • Page 1 of 2
  • 1
  • 2
  • »
Forum » Ateistik forum » Asosiy forum » O`zbekistonda ateizm (birinchi mavzu)
O`zbekistonda ateizm
ateizmDate: Friday, 2007-06-22, 5:07 AM | Message # 1
Admin
Group: Administrators
Messages: 19
Reputation: -1
Status: Offline
Salom!
Birinchi mavzuni ochdik ham smile

O`zbekistonda ateistlar yoki dinsizlar soni nihoyatda kam, lekin Ovro`pa, Yaponiya, Janubiy Koreyada teist bo`lmaganlar 50%'ga yaqin, oxirgi paytlarda Shimoliy Amerikada bunday odamlar soni ortib bormoqda. Sizningcha, buning sababi (ya`ni, bizning mamlakatimizda ateistlar deyarli yo`qligi) nimada?

Shaxsiy fikrim: odamlarimiz o`ta konformistik ruhda, ya`ni atrofdagilar musulmonmi, men ham shunda bo`laman, el qatori yuraman, deb, dinini bilmasa ham dindor bo`laverishadi.


Thank you for not littering your mind
 
BoburDate: Saturday, 2007-06-23, 1:56 AM | Message # 2
Private
Group: Users
Messages: 15
Reputation: 0
Status: Offline
Ассалому алайкум!
Узбекистонда атеистлар сони нихоятда камлигининг сабаби менимча:
- Узбекистонда Исломий илмлар яхши ривожланган (Куръон тафсири, Хадислар, Фикх каби). Ислом дини аник илмга, инкор килиб булмайдиган даражада аник бизгача етиб келган тарихий фактларга асосланган булганлиги учун ва бу илмларни оддий халкка етказишга масуълиятли одамлар борлиги учун деярли хар бир хонадонда Куръон, Хадис, Фикх китоблари бор. Уларни жиддий инсоф билан укиб урганган одам Ислом динининг хак дин эканлигига ишонч хосил килади.
 
ateizmDate: Saturday, 2007-06-23, 8:23 AM | Message # 3
Admin
Group: Administrators
Messages: 19
Reputation: -1
Status: Offline
Salom, Bobur!
Nega aynan Islom? Nega, deylik, konfuciylik emas?
Islom dini haq din ekanligini qanday qilib isbotlash mumkin? Axir u boshqa dinlardan farq qilmaydi, aksincha, hattoki yahudiylik va xristianlik dinlari bilan ildizi ham bir.


Thank you for not littering your mind
 
BoburDate: Thursday, 2007-06-28, 4:53 AM | Message # 4
Private
Group: Users
Messages: 15
Reputation: 0
Status: Offline
Assalomu alaykum!
1. Nega aynan Islom? Nega, deylik, konfuciylik emas?
Javob: Aynan Islom dini o'zbek xalqining hayotiga yaxshigina singib ketgan.
2. Islom dini haq din ekanligini qanday qilib isbotlash mumkin?
Javob: Qur'oni Karim va ishonchli, tekshirilgan Hadislarning bizgacha qanday tekshirish va tanlash, saralash asosida yetib kelganligini va Islomni haq din deb e'lon qilgan Muhammad (sollallohu alayhi vasallam) ning hayot yo'llari, tarixlarini yaxshilab o'rganish orqali Islomning haq din ekanligiga ishonch hosil qilish mumkin.
3. Axir u boshqa dinlardan farq qilmaydi...
Javob: Islom boshqa dinlardan hujjatlarining aniqligi, kuchliligi, aqiydasining sofligi, voqelikka to'g'ri kelishi va ixtilofli masalalardan holi ekanligi bilan farq qiladi.
4. ...aksincha, hattoki yahudiylik va xristianlik dinlari bilan ildizi ham bir.
Javob: Islom, Yahudiylik, Xristianlik dinlarinig ildizi birligi deganda men ularning uchovi ham Yaratuvchi tomonidan yuborilganligini tushunaman. Tan olaman, Yahudiylik va Xristianlik dinini yaxshi o'rganmaganman, ularga Islom orqali iymon keltirganman.
 
ateizmDate: Thursday, 2007-06-28, 5:14 AM | Message # 5
Admin
Group: Administrators
Messages: 19
Reputation: -1
Status: Offline
Javoblaringiz uchun rahmat, Bobur.
Quote (Bobur)
Aynan Islom dini o'zbek xalqining hayotiga yaxshigina singib ketgan.

Sizning hayolingizga kelmaganmi, agar shu islom dini o`rniga boshqa din singdirilganda, yoki siz boshqa mamlakatda tug`ilganingizda siz hozir musulmon emas, boshqa din vakili bo`lar edingiz va o`sha dinni "haq", deb o`ylar edingiz?
Quote (Bobur)
Qur'oni Karim va ishonchli, tekshirilgan Hadislarning bizgacha qanday tekshirish va tanlash, saralash asosida yetib kelganligini va Islomni haq din deb e'lon qilgan Muhammad (sollallohu alayhi vasallam) ning hayot yo'llari, tarixlarini yaxshilab o'rganish orqali Islomning haq din ekanligiga ishonch hosil qilish mumkin.

Ya'ni eski bir kitobning bizga yaxshi saqlanib kelganligi va uni yozgan bir odamning go`yoki yaxshi axloqqa ega bo`lganligi tufayli siz o`sha odam sig`ingan dinni haq demoqdasiz. Lekin bunday kitoblar ko`p, deylik, "Iliada"ni va uni yozgan Homer'ni olaylik, u ham badxulq bo`lmagan, demak, u ishongan mifologiyalarga biz ham ishonishimiz kerak ekan-da?
Sizningcha, "haq din" nima degani?
Quote (Bobur)
Islom boshqa dinlardan hujjatlarining aniqligi, kuchliligi, aqiydasining sofligi, voqelikka to'g'ri kelishi va ixtilofli masalalardan holi ekanligi bilan farq qiladi.

Boshqa din vakillari ham xuddi shunday gaplar bilan o`z dinlarini maqtashadi. Kimga ishonaylik va nega?
Quote (Bobur)
Islom, Yahudiylik, Xristianlik dinlarinig ildizi birligi deganda men ularning uchovi ham Yaratuvchi tomonidan yuborilganligini tushunaman. Tan olaman, Yahudiylik va Xristianlik dinini yaxshi o'rganmaganman, ularga Islom orqali iymon keltirganman.

1. Yaratuvchi kim?
2. "Ularga iymon keltirganman" debsiz, bu degani siz o`sha dinlarga ham ishonasiz deganimi?


Thank you for not littering your mind
 
BoburDate: Thursday, 2007-06-28, 6:59 AM | Message # 6
Private
Group: Users
Messages: 15
Reputation: 0
Status: Offline
Quote (ateizm)
Sizning hayolingizga kelmaganmi, agar shu islom dini o`rniga boshqa din singdirilganda, yoki siz boshqa mamlakatda tug`ilganingizda siz hozir musulmon emas, boshqa din vakili bo`lar edingiz va o`sha dinni "haq", deb o`ylar edingiz?

Hayolimga kelgan. Lekin, o'ylaymanki, dinga, qayta tirilish masalalariga astoyidil qiziqqan odam o'zining davridagi dinlarni atroflicha o'rganadi va eng to'g'risini albatta, topa oladi.
Quote (ateizm)
Ya'ni eski bir kitobning bizga yaxshi saqlanib kelganligi va uni yozgan bir odamning go`yoki yaxshi axloqqa ega bo`lganligi tufayli siz o`sha odam sig`ingan dinni haq demoqdasiz. Lekin bunday kitoblar ko`p, deylik, "Iliada"ni va uni yozgan Homer'ni olaylik, u ham badxulq bo`lmagan, demak, u ishongan mifologiyalarga biz ham ishonishimiz kerak ekan-da?

Muhammad (sollallohu alayhi vasallam) tarixiy ma'lumotlarga ko'ra, o'qish, yozishni bilmaydigan savodsiz inson bo'lganlar, shoirlikni da'vo ham qilmaganlar (birorta ilmiy yoki diniy muassasada ta'lim ham olmaganlar), lekin Yaratucvhining elchisiman, sizlarga o'qib berayotgan Qur'on shu Yaratuvchining ko'rsatmalari, so'zlari, deb hammaga e'lon qilganlar. Qur'oni Karimni dostonga solishtirish noto'g'ri, u biz yashayotgan hayotning haqiqiatini tushuntiradi, tabiat, Galaktikaga nazar solib, qiziqib, o'rganishga undaydi, bularning Yaratuvchisi borligini va U insonlarni bekordan bekorga yaratmaganini ta'kidlaydi.

Added (2007-06-28, 6:58 Am)
---------------------------------------------

Quote (ateizm)
Sizningcha, "haq din" nima degani?

Biror odam men Payg'ambarman, menga Yaratuvchidan ko'rsatmalar kelyapti, deb da'vo qilib chiqsa va bunga isbot tariqasida gayri tabiiy, inson o'z kuchi yoki aqli bilan qilishi imkonsiz bo'lgan biror mo'jiza (ojiz qoldiruvchi narsa) ni ko'rsatsa yoki ma'lum vaqt mobaynida amalga oshirsa, demak, rostdan ham u Payg'ambar ekan, degan hulosaga kelinadi va u Yaratuvchidan, deb aytgan ko'rsatmalari HAQ DIN deb tan olinadi. Muhammad (sollallohu alayhi vasallam) ning eng asosiy mo'jizalari - bu Qur'oni Karim deb hisoblanadi, men ham uni o'rganib va amal qilib, shu gapga ishonch hosil qildim.
Quote (ateizm)
Boshqa din vakillari ham xuddi shunday gaplar bilan o`z dinlarini maqtashadi. Kimga ishonaylik va nega?

Yahudiylar Tavrotning asl nushasi yo'qolib ketganligini o'zlari tan olishadi. Hozirgi Tavrot ning qaysi manbalardan olinganligi haqida ma'lumotlari ham chalkash. Injilda bir biriga qarshi fikrlar ko'pligidan, xristianlarning o'zlari bahsdan bo'shamaydilar. Injilning to'rt hil versiyasi bor, ular "Ilohiy Kitob" degan nomga qo'yiladigan ishonchlilik talablariga javob bera olmaydi. "Ilohiy" deb aytilayotgan kitoblariga uzoq yillar davomida, siyosiy ta'sirlar ostida yolg'on ma'lumotlar aralashganligi ehtimolini rad eta olishmaydi. Qur'on Karim va Hadislar bu kamchiliklardan mutlaqo holi.

Added (2007-06-28, 6:59 Am)
---------------------------------------------

Quote (ateizm)
1. Yaratuvchi kim?

Yaratuvchi deganda, biz yashayotgan olamni, elektron, atom, molekula, DNK, hujayralarni, o'simlik, jonivor va nihoyat Insonni yaratgan, unga mustaqil abstrakt fikrlash, mehribonlik, iroda kuchi, hayajon, zavqlanish, g'azab, o'z-o'zini tanqid qilish, "men qanday qilib paydo bo'lgan bo'lishim mumkin" degan savolga javob topishga intilish kabi narsalarni "ichiga joylab qo'ygan", biz insonlardan ko'ra bilimi kengroq bir ILOH ni tushunaman.
Quote (ateizm)
2. "Ularga iymon keltirganman" debsiz, bu degani siz o`sha dinlarga ham ishonasiz deganimi?

"Ularga iymon keltirganman" deganim, bu dinlar ham Yaratuvchi tomonidan yuborilganligi va Tavrot, Injil ning asl nushalari rostdan ham ilohiy kitoblar ekanligiga ishonaman, deganim. Lekin hozirgi Yahudiy va Xristian dinidagilar Muhammad (sollallohu alayhi vasallam) ni Payg'ambar deb tan olishmaydi va bu dinlarda Yaratuvchi haqidagi aqiyda (qanday ishonch-e'tiqodda bo'lish kerakligi) masalalari insonlar tomonidan o'zgartirib, asl holidan anchagina o'zgarishga uchragan, deb bilganim uchun bu dinlarni HAQ DIN deb tan olmayman.
 
ateizmDate: Thursday, 2007-06-28, 8:59 AM | Message # 7
Admin
Group: Administrators
Messages: 19
Reputation: -1
Status: Offline
Javoblaringiz uchun minnatdorman.
Quote (ateizm)
Hayolimga kelgan. Lekin, o'ylaymanki, dinga, qayta tirilish masalalariga astoyidil qiziqqan odam o'zining davridagi dinlarni atroflicha o'rganadi va eng to'g'risini albatta, topa oladi.

Faraz qilaylik, islom - haq din. Ya'ni xudo ba'zi o`lkalarga o`z dinini joylab (masalan, arab mamlakatlari, O`rta Osiyo va hk), u yerda tug`iluvchi odamlarni "tayyorga ayyor" qilib qo`ydi. Boshqa "kofir" mamlakatlardagi odamlar esa shu "haq" dinni bilishmaydi, zero ularga bolalikdan boshqa dinlar singdirib kelingan yoki hech qanday din o`rgatilmagan. Va ular "haq" dinsiz qolib ketishdi. Ayb ularda emas, ayb sharoitda. Sharoitni esa xudo yaratibdi (bu hali ham faraz). Bu yerda hamon adolat bor, deb o`ylaysizmi?
Quote (Bobur)
Muhammad (sollallohu alayhi vasallam) tarixiy ma'lumotlarga ko'ra, o'qish, yozishni bilmaydigan savodsiz inson bo'lganlar, shoirlikni da'vo ham qilmaganlar (birorta ilmiy yoki diniy muassasada ta'lim ham olmaganlar), lekin Yaratucvhining elchisiman, sizlarga o'qib berayotgan Qur'on shu Yaratuvchining ko'rsatmalari, so'zlari, deb hammaga e'lon qilganlar. Qur'oni Karimni dostonga solishtirish noto'g'ri, u biz yashayotgan hayotning haqiqiatini tushuntiradi, tabiat, Galaktikaga nazar solib, qiziqib, o'rganishga undaydi, bularning Yaratuvchisi borligini va U insonlarni bekordan bekorga yaratmaganini ta'kidlaydi.

Muhammadning xudo bilan suhbatlashganini qanday qilib isbotlasa bo`ladi? Balki o`zi to`qib chiqargandir bularni? "Xudoga gapirsangiz - bu ibodat deyiladi, agar xudo sigz gapirsa - bunisi endi shizofreniya" degan gap bor. Qolaversa, Qur'onda Galaktika haqida gap yo`q, u yerda faqat Yer, Oy, Quyosh haqida yozilgan, yulduzlarning funkciyasi esa faqat "odamlar tunda yo`l topishga qiynalishmasin"'dan iborat qilib ko`rsatiladi.


Thank you for not littering your mind
 
ateizmDate: Thursday, 2007-06-28, 8:59 AM | Message # 8
Admin
Group: Administrators
Messages: 19
Reputation: -1
Status: Offline
Quote (Bobur)
Biror odam men Payg'ambarman, menga Yaratuvchidan ko'rsatmalar kelyapti, deb da'vo qilib chiqsa va bunga isbot tariqasida gayri tabiiy, inson o'z kuchi yoki aqli bilan qilishi imkonsiz bo'lgan biror mo'jiza (ojiz qoldiruvchi narsa) ni ko'rsatsa yoki ma'lum vaqt mobaynida amalga oshirsa, demak, rostdan ham u Payg'ambar ekan, degan hulosaga kelinadi va u Yaratuvchidan, deb aytgan ko'rsatmalari HAQ DIN deb tan olinadi. Muhammad (sollallohu alayhi vasallam) ning eng asosiy mo'jizalari - bu Qur'oni Karim deb hisoblanadi, men ham uni o'rganib va amal qilib, shu gapga ishonch hosil qildim.

Mo`jizani har xil tushunish mumkin. Ko`zbo`ylog`ich David Copperfield'ning fokuslari hatto bugungi kunning bilimdon odamlariga ham mo`jizadek tuyuladi, ming yillar avval yashagan savodsiz xalqqa ham qandaydir fokus ko`rsatib, gipnoz qilib aldash mumkin bo`lmaganmi? Qolaversa, bunday fokuslarga guvohliklar ham yo`q hisob. Masalan, Muhammadning Oyni ikkiga bo`lgani haqidagi rivoyatni olaylik. Buni qarangki, ushbu hodisani o`sha arablardan boshqa kimsa kuzatmabdi, hech qaysi yilnomalarda bu haqda ikki og`iz so`z aytilmagan.
Quote (Bobur)
Yahudiylar Tavrotning asl nushasi yo'qolib ketganligini o'zlari tan olishadi. Hozirgi Tavrot ning qaysi manbalardan olinganligi haqida ma'lumotlari ham chalkash. Injilda bir biriga qarshi fikrlar ko'pligidan, xristianlarning o'zlari bahsdan bo'shamaydilar. Injilning to'rt hil versiyasi bor, ular "Ilohiy Kitob" degan nomga qo'yiladigan ishonchlilik talablariga javob bera olmaydi. "Ilohiy" deb aytilayotgan kitoblariga uzoq yillar davomida, siyosiy ta'sirlar ostida yolg'on ma'lumotlar aralashganligi ehtimolini rad eta olishmaydi. Qur'on Karim va Hadislar bu kamchiliklardan mutlaqo holi.

Musulmonlar orasida ham Qur'on va hadislar haqida chalkash fikrlar bor (ba'zi mazhablar hadislarni qabul qilishmaydi), Qur'ondan ba'zi suralar olib tashlangani va boshqalari qo`shilgani haqida farazlar ham bor.
Quote (Bobur)
Yaratuvchi deganda, biz yashayotgan olamni, elektron, atom, molekula, DNK, hujayralarni, o'simlik, jonivor va nihoyat Insonni yaratgan, unga mustaqil abstrakt fikrlash, mehribonlik, iroda kuchi, hayajon, zavqlanish, g'azab, o'z-o'zini tanqid qilish, "men qanday qilib paydo bo'lgan bo'lishim mumkin" degan savolga javob topishga intilish kabi narsalarni "ichiga joylab qo'ygan", biz insonlardan ko'ra bilimi kengroq bir ILOH ni tushunaman.

Bularni yaratgan bir iloh bo`lishi shartmi? Va nega u bitta bo`lishi kerak? Balki bir necha "iloh" kelishib shularning hammasini yasagandir?
Va nega ilm-fan hanuz shu ilohning mavjud ekanligiga doir qat'iy isbot-dalil topmagan?
Yana bir savol: siz hozirgi mavjud nimarsalar qanday bo`lsa, shundayligicha yaratilgan, deb o`ylaysizmi yoki bular avval yaratilib, so`ng evolyuciyalanib, o`zgarib, shu kungi ko`rinishga yetgan, deysizmi?


Thank you for not littering your mind
 
BoburDate: Friday, 2007-06-29, 6:35 AM | Message # 9
Private
Group: Users
Messages: 15
Reputation: 0
Status: Offline
Quote (ateizm)
Faraz qilaylik, islom - haq din. Ya'ni xudo ba'zi o`lkalarga o`z dinini joylab (masalan, arab mamlakatlari, O`rta Osiyo va hk), u yerda tug`iluvchi odamlarni "tayyorga ayyor" qilib qo`ydi. Boshqa "kofir" mamlakatlardagi odamlar esa shu "haq" dinni bilishmaydi, zero ularga bolalikdan boshqa dinlar singdirib kelingan yoki hech qanday din o`rgatilmagan. Va ular "haq" dinsiz qolib ketishdi. Ayb ularda emas, ayb sharoitda. Sharoitni esa xudo yaratibdi (bu hali ham faraz). Bu yerda hamon adolat bor, deb o`ylaysizmi?

Yaratuvchi Islom dinini butun dunyoga tarqatish, boshqalarga etkazishni musulmonlarga majburiyat sifatida yuklagan ("Asr" surasi misol). Muhammad (sollallohu alayhi vasallam) arab qabilalariga, Eron, Yaman, Rim, Ummon, Efiopiya, Misr, Suriya kabi mamlakatlar rahbarlariga muhrlangan maktublarni elchilar orqali yetkazganlar, o'zlarini Payg'ambarliklarini tan olishni, Islom diniga kirishni taklif qilganlar. U zotning vafotlaridan keyin ham boshqa mamlakatlarga Islom dinini yetkazishga xarakat davom etgan. Hech bir xalq yoki millat yoki qabila yo'qki, Yaratuvchi haqida umuman ma'lumoti bo'lmasa. Har bir aqli sog'lom odam bir kun o'lishini biladi, undan keyin qayta tirilish, qilgan yaxshi-yomon amallariga qarab savol-javob, jannat-do'zax bor degan gapni umrida bir marta bo'lsa ham eshitadi, agar bu gap rost bo'lib chiqsa, natijasi juda jiddiy bo'lishini anglaydi. Ana shu paytda bu gapga ishonishi, inkor qilishi, ko'proq bilishga intilishi yoki shunchaki beparvo bo'lishiga qarab Yaratuvchi oldida javobgar bo'ladi. Islom dinidan behabar, lekin o'z dinini bilgan odam shu bilganiga qanday amal qilganidan so'raladi. Hech kim bilmagan narsasi uchun javobgar bo'lmaydi.

Added (2007-06-29, 5:44 Am)
---------------------------------------------

Quote (ateizm)
Muhammadning xudo bilan suhbatlashganini qanday qilib isbotlasa bo`ladi? Balki o`zi to`qib chiqargandir bularni? "Xudoga gapirsangiz - bu ibodat deyiladi, agar xudo sigz gapirsa - bunisi endi shizofreniya" degan gap bor. Qolaversa, Qur'onda Galaktika haqida gap yo`q, u yerda faqat Yer, Oy, Quyosh haqida yozilgan, yulduzlarning funkciyasi esa faqat "odamlar tunda yo`l topishga qiynalishmasin"'dan iborat qilib ko`rsatiladi.

Muhammad (sollallohu alayhi vasallam) Qur'oni Karim oyatlarini bevosita Xudodan emas, u yuborgan Jabroil farishta orqali qabul qilib olaman, deganlar. Qur'oni Karimdagi gaplarni to'qib chiqarish uchun, masalan, Yaratuvchining qanday sifatlarga ega ekanligi, uni qanday tushunish kerakligi, insonning yaratilishidan ko'zlangan maqsad, ruxsat berilgan va taqiqlangan narsalar, Yahudiylik, Xristian dinlarini, ularning kitoblaridagi ma'lumotlarni, Muso, Iso va boshqa payg'ambarlar haqida aniq ma'lumotlarni, o'sha davrdagi Yahudiy va Xristianlarning e'tiqodidagi xatolarni (bu hali hammasi emas) mukammal bilish talab etiladi. Muhammad (sollallohu alayhi vasallam) buzuq diniy aqiyda, xurofot, johillikka, bo'lmag'ur urf-odatlarga to'lib toshgan, birorta diniy, ilmiy muassasasi bo'lmagan, deyarli ibtidioy hayot tarzi bo'lgan joyda yashaganlari, hech kimdan ilm o'rganmaganlari, asosan cho'ponlik, savdogarlik bilan shug'ullanganlari kabilarni hisobga olsak, o`zlari to`qib chiqarganlari ehtimoli yo'qqa chiqadi. Qur'onda 'yeru osmonlar', 'olamlar' iborasi ko'p keladi. 'Osmonlar', 'olamlar' iborasi biz ko'rib turgan osmon, olamdan boshqalari borligiga ishora qiladi.

Added (2007-06-29, 6:09 Am)
---------------------------------------------

Quote (ateizm)
Mo`jizani har xil tushunish mumkin. Ko`zbo`ylog`ich David Copperfield'ning fokuslari hatto bugungi kunning bilimdon odamlariga ham mo`jizadek tuyuladi, ming yillar avval yashagan savodsiz xalqqa ham qandaydir fokus ko`rsatib, gipnoz qilib aldash mumkin bo`lmaganmi? Qolaversa, bunday fokuslarga guvohliklar ham yo`q hisob. Masalan, Muhammadning Oyni ikkiga bo`lgani haqidagi rivoyatni olaylik. Buni qarangki, ushbu hodisani o`sha arablardan boshqa kimsa kuzatmabdi, hech qaysi yilnomalarda bu haqda ikki og`iz so`z aytilmagan.

Muhammad (sollallohu alayhi vasallam) ga iymon keltirishga undaydigan asosiy sabab ular o'qib bergan Qur'on oyatlari bo'lgan va hozir ham shunday. Fokus bilan ko'zni chalg'itish mumkin, lekin Qur'onni o'qib berib, tushuntirib, uning oyatlarini tafakkur qilib ko'rishni, o'z aqli bilan o'ylab ko'rishni taklif qilish butunlay boshqa narsa. Oyning bo'linganligi Qur'onda aytilganligi uchun men bunga ishonaman. O'sha paytda Oyni doimiy kuzatib turuvchi odamlar bo'lgan, degan ma'lumot ham menda yo'q.

Added (2007-06-29, 6:10 Am)
---------------------------------------------

Quote (ateizm)
Musulmonlar orasida ham Qur'on va hadislar haqida chalkash fikrlar bor (ba'zi mazhablar hadislarni qabul qilishmaydi), Qur'ondan ba'zi suralar olib tashlangani va boshqalari qo`shilgani haqida farazlar ham bor.

Ba'zi mazhab vakillari qabul qilmagan hadislar - bu yetib kelishi, rivoyat qilinishida noaniqlik, kamchilik bo'lgan, ishonchlilik talablariga to'la javob bera olmaydigan, nisbatan kam odam rivoyat qilgan yoki boshqa hadis bilan hukmi bekor bo'lgan hadislar bo'lishi mumkin. Umuman hadislarni qabul qilmaydiganlar musulmon hisoblanmaydi, chunki shunday kuchli hadislar borki, ularni inkor qilish haqiqatni tan olmaslikka kiradi. Aniq, kuchli hadislarda hech qaysi mazhab ihtilof qilolmaydi. Qur'oni Karimdan suralar emas-ku, ba'zi oyatlar hukmi bekor bo'lganligi va ularni Qur'onga kiritilmagani haqiqat. Bu hol, masalan, biror narsani taqiqlash yoki cheklash uchun hukmi qattiq oyat kelib, ma'lum muddat o'tib, bu oyat o'rniga engilroq boshqa oyat kelganida sodir bo'lgan. Muhammad (sollallohu alayhi vasallam) Qur'onni sahobalariga doimiy ravishda o'qib berib, yozdirib borganlar. Vafotlaridan keyin birorta xarf olinmagan ham, qo'shilmagan ham.

Added (2007-06-29, 6:14 Am)
---------------------------------------------

Quote (ateizm)
Bularni yaratgan bir iloh bo`lishi shartmi? Va nega u bitta bo`lishi kerak? Balki bir necha "iloh" kelishib shularning hammasini yasagandir?

Biz ko'rib turgan narsalar azaldan mavjud emasligi aniq. Ularning hozirgi holatga kelishi uchun biror sabab bo'lishi kerakligi ham aniq. Tabiatdagi mavjudotlarning ma'lum bir vazifaga ixtisoslashgani, yashash tarzi, organlarining biologik tuzilishi, aniq vazifalarni bajarishi va hammasi ma'lum qonuniyatlar asosida ishlashi bular tasodifiy ravishda bo'lishi ehtimolini yo'qqa chiqaradi. Demak bitta hulosa qoladi: Kimdir bularni yaratgan.
Deylik, bizni yaratgan bir Yaratuvchidan boshqa Yaratuvchilar ham bor. U holda ular ham o'zi nimalarnidir yaratishni, o'z hukmlarini joriy qilishni hohlashi tabiiy. Bunday holatda kelishish emas, raqobat sodir bo'lishi tayin. Natijada bir biridan farqli, turlicha nomutanosib qonunlar asosida borliqlar, olamlar vujudga kelishi kerak. Haqiqatda esa borliqning qonunlari bir biriga nihoyatda mutanosib, butun olam yagona muvozanatda harakatlanadi. Bu holat, Yaratuvchi faqat bitta bo'lgandagina mumkin.

Added (2007-06-29, 6:17 Am)
---------------------------------------------

Quote (ateizm)
Va nega ilm-fan hanuz shu ilohning mavjud ekanligiga doir qat'iy isbot-dalil topmagan?

Qanday qat'iy isbot dalil masalan yetarli bo'ladi, deb o'ylaysiz?

Added (2007-06-29, 6:35 Am)
---------------------------------------------

Quote (ateizm)
Yana bir savol: siz hozirgi mavjud nimarsalar qanday bo`lsa, shundayligicha yaratilgan, deb o`ylaysizmi yoki bular avval yaratilib, so`ng evolyuciyalanib, o`zgarib, shu kungi ko`rinishga yetgan, deysizmi?

To'g'risi, bu haqda aniq xulosaga kelmaganman, bilim kam. Lekin Darvinning nazariyasining noto'g'riligiga yetarli isbotlar bor.

 
ateizmDate: Friday, 2007-06-29, 10:13 AM | Message # 10
Admin
Group: Administrators
Messages: 19
Reputation: -1
Status: Offline
Quote (Bobur)
Yaratuvchi Islom dinini butun dunyoga tarqatish, boshqalarga etkazishni musulmonlarga majburiyat sifatida yuklagan

Yaratuvchi nega o`z dinini o`zi tarqatmagan? Balki u yo`qdirki, odamlar uning o`rniga, uning nomidan gapirib, o`zlari ijod etgan dinni tarqatishar?
Quote (Bobur)
Qur'oni Karimdagi gaplarni to'qib chiqarish uchun, masalan, Yaratuvchining qanday sifatlarga ega ekanligi, uni qanday tushunish kerakligi, insonning yaratilishidan ko'zlangan maqsad, ruxsat berilgan va taqiqlangan narsalar, Yahudiylik, Xristian dinlarini, ularning kitoblaridagi ma'lumotlarni, Muso, Iso va boshqa payg'ambarlar haqida aniq ma'lumotlarni, o'sha davrdagi Yahudiy va Xristianlarning e'tiqodidagi xatolarni (bu hali hammasi emas) mukammal bilish talab etiladi.

Ha, to`g`rirog`i, Qur'onni Muhammad to`qib chiqargan, degan gap yo`q. U Tavrotni arabchaga o`girgan, ba`zi joylarini o`zgartirgan, degan fikr aytiladi.
Quote (Bobur)
Qur'onda 'yeru osmonlar', 'olamlar' iborasi ko'p keladi. 'Osmonlar', 'olamlar' iborasi biz ko'rib turgan osmon, olamdan boshqalari borligiga ishora qiladi.

Qur'onda Yerga ko`p e'tibor qaratiladi, osmonni esa shu yer ustidagi bir qobiqdek ko`riladi, xolos. Shubhali emasmi, qandaydir qalaktika chekkasidagi o`rtahol yulduz atrofidagi Yerni shunday ko`kka ko`tarish? Qolaversa, yulduzlarni yaratishdan maqsad nima edi? Faqatgina, biz tunda yo`l topa olishimiz uchunmi?
Quote (Bobur)
Qur'onni o'qib berib, tushuntirib, uning oyatlarini tafakkur qilib ko'rishni, o'z aqli bilan o'ylab ko'rishni taklif qilish butunlay boshqa narsa.

Boshqa din asoschilari ham o`z kitoblarini xuddi shunday "tafakkur" qilib berishgan. Lekin ularga ishonmaysiz.
Quote (Bobur)
Oyning bo'linganligi Qur'onda aytilganligi uchun men bunga ishonaman. O'sha paytda Oyni doimiy kuzatib turuvchi odamlar bo'lgan, degan ma'lumot ham menda yo'q.

Qur'onda nimaiki yozsa, ishonaverasizmi? Olamning 6 kunda yaratilganiga hammi?
Qadimgi xitoy, hind va hk yilnomalarda Quyosh, Oy tutilishlari, yulduzar vaziyati batafsil yozib borilgan, Oyning ikkiga bo`linganini munajjimlar ko`rmay qolgan bo`lishi mumkinmi? Qolaversa, deyarli hamma Oyga qaraydi, buning uchun munajjim bo`lishning keragi ham yo`q.
Quote (Bobur)
Bu hol, masalan, biror narsani taqiqlash yoki cheklash uchun hukmi qattiq oyat kelib, ma'lum muddat o'tib, bu oyat o'rniga engilroq boshqa oyat kelganida sodir bo'lgan.

Alloh bir so`zda turadigan mard emasmi? Nega o`z gapini ikki qilib, qaytib olayapti? Bunga izoh sifatida ushbu kitobni xudo emas, odamzod ijodi ekanligi haqidagi qarashni olish mumkin emasmi?
Quote (Bobur)
Biz ko'rib turgan narsalar azaldan mavjud emasligi aniq.

Materiya va energiyaning saqlanish qonuni haqida eshitganmisiz?
Quote (Bobur)
Kimdir bularni yaratgan.

"Bularni yaratgan"ni kim yaratgan?
Quote (Bobur)
Bunday holatda kelishish emas, raqobat sodir bo'lishi tayin.

Laboratoriyada ishlayotgan bir guruh olimlarni olaylik. Ular ko`p bo`lsa-da, bir loyihani hech qanday raqobatsiz, kelishib qilishadi. Shu olimlarning aqli yetgan narsaga (kelishib ish qilishga) xudolarning aqli yetmaydi, deb o`ylaysizmi?
Quote (Bobur)
Qanday qat'iy isbot dalil masalan yetarli bo'ladi, deb o'ylaysiz?

Ilgarilari bizga noma'lum bo`lgan narsalar, hodisalar, osmon jismlari va hkni fan qanday qilib kashf etgan, qanday ochgan bo`lsa, xuddi shunday. Xudoni kashf etish uchun avval uning mavjud bo`la olishi nazariy jihatdan ko`rsatilishi lozim. So`ngra, ushbu nazariy bilimlarga ko`ra, uni amaliy qayd etish kerak. Lekin bir xudoning borligi ham, yo`qligi ham hozirda nazariy bo`lsa-da isbotlanmagan.
Quote (Bobur)
Darvinning nazariyasining noto'g'riligiga yetarli isbotlar bor.

Nega evolyuciya so`zini darrov Darwin bilan bog`ladingiz? Men biologik evolyuciya demadim-ku. Osmon jismlari evolyuciyasi, ijtimoiy evolyuciya kabi boshqa evolyuciyalar ham bor, ularga Darwin'ning aloqasi yo`q. Qolaversa, hozirda biologiya Darwin nazariyasiga emas, Zamonaviy Evolyucion Sintez nazariyasiga suyanadi va maktablarda shu nazariya o`qitiladi. Unga esa juda ko`p isbot-dalillar bor.


Thank you for not littering your mind

Message edited by ateizm - Friday, 2007-06-29, 10:13 AM
 
BoburDate: Friday, 2007-07-06, 7:39 AM | Message # 11
Private
Group: Users
Messages: 15
Reputation: 0
Status: Offline
Quote (ateizm)
Yaratuvchi nega o`z dinini o`zi tarqatmagan? Balki u yo`qdirki, odamlar uning o`rniga, uning nomidan gapirib, o`zlari ijod etgan dinni tarqatishar?

Insonlarga Yaratuvchini tanitish, unga qanday ibodat qilishni o'rgatish va amalda ko'rsatib berish uchun o'zlaridan chiqqan bir insonni Payg'ambar-Rasul qilib tanlab olib, u orqali dinni etkazish eng hikmatli yo'l hisoblanadi. Payg'ambar dunyodan o'tgandan keyin undan dinni o'rganganlar boshqalarga bilganlarini yetkazadilar. Bunday mas'uliyat yuklatilishi orqali ham inson sinaladi.
Allohni yo'q deb o'ylaydigan bo'lsa inson o'zining borligini qanday izohlaydi? Butun boshli inson hech narsadan hech narsa yo'q o'zidan o'zi yaralib, paydo bo'lib qolmaydi-ku?

Quote (ateizm)
Materiya va energiyaning saqlanish qonuni haqida eshitganmisiz?

Bu qonunlarga suyanib, inson azaldan mavjud bo'lgan deyish mumkinmi? Ongli, jonli, his-tuyg'ularga, orzu-havaslarga ega inson ongsiz, jonsiz, hissiz, orzu-havas nimaligini bilmaydigan moddalardangina tashkil topgan deyish to'g'rimi?

Added (2007-07-06, 7:39 Am)
---------------------------------------------

Quote (ateizm)
Qur'onda Yerga ko`p e'tibor qaratiladi, osmonni esa shu yer ustidagi bir qobiqdek ko`riladi, xolos. Shubhali emasmi, qandaydir qalaktika chekkasidagi o`rtahol yulduz atrofidagi Yerni shunday ko`kka ko`tarish? Qolaversa, yulduzlarni yaratishdan maqsad nima edi? Faqatgina, biz tunda yo`l topa olishimiz uchunmi?

Hech ham shubhali emas, chunki aynan shu o'rtahol yulduz atrofidagi Yer sayyorasida aql bilan aziz va mukarram qilib, afzal qilib yaratilgan, Alloh Taolo o'z Ruhidan jon kiritgan INSON degan mavjudot yashaydi va Allohga ibodat qiladi. Yulduzlarni oddiy ko'z bilan kuzatilsa ham, ular ma'lum tartib bilan joylashgani va bu tartib uzoq yillar davomida saqlanib kelayotgani seziladi. Bu esa o'z-o'zidan bo'lishi mumkin emas, chunki har qanday tartib yoki qonunning ta'minlab turuvchi biror sababi bo'lishi kerak. Iymon keltirishni hohlagan inson uchun deyarli hamma narsada Allohning borligiga belgi-dalillar bor.

 
ateizmDate: Friday, 2007-07-06, 9:51 AM | Message # 12
Admin
Group: Administrators
Messages: 19
Reputation: -1
Status: Offline
Quote (Bobur)
Insonlarga Yaratuvchini tanitish, unga qanday ibodat qilishni o'rgatish va amalda ko'rsatib berish uchun o'zlaridan chiqqan bir insonni Payg'ambar-Rasul qilib tanlab olib, u orqali dinni etkazish eng hikmatli yo'l hisoblanadi. Payg'ambar dunyodan o'tgandan keyin undan dinni o'rganganlar boshqalarga bilganlarini yetkazadilar. Bunday mas'uliyat yuklatilishi orqali ham inson sinaladi.

O'sha Yaratuvchi insonlarga nega ibodat qilishni o'rgatdi? Ibodatning nimasiga muhtoj? Va nega juda zarur bo'lib qolgan ekan, o'zi osmondan tushib, xalqqa o'rgatmadi?
Quote (Bobur)
Allohni yo'q deb o'ylaydigan bo'lsa inson o'zining borligini qanday izohlaydi? Butun boshli inson hech narsadan hech narsa yo'q o'zidan o'zi yaralib, paydo bo'lib qolmaydi-ku?

Nega aynan yaratilishi kerak? Siz "yaratilish" degan tushuncha quliga aylantirmang o'zingizni. "O'zgarish", "mukammallashish" degan so'zlar ham bor. Inson qanday paydo bo'lgani haqida maktab kursida o'rgatiladi.
Quote (Bobur)
Ongli, jonli, his-tuyg'ularga, orzu-havaslarga ega inson ongsiz, jonsiz, hissiz, orzu-havas nimaligini bilmaydigan moddalardangina tashkil topgan deyish to'g'rimi?

Ha, to'g'ri. Odam kompyuterga o'xshagan nimarsa, his-tuyg'u, ong deganlaringiz, ya'ni ruhiyat kompyuterning dasturiy ta'minotiga (software'ga) o'xshaydi; biroq, software ham bor-yo'g'i murakkab elektromagnit tebranishlar majmui, xolos. Inson qobiliyatlari, "orzu-havaslari" ham xuddi shunday bioelektrik-kimyoviy ta'sirlar majmuidir. Va bu ta'sirlar fan tomonidan o'rganilmoqda. Buni anglash qiyin, lekin yaxshilab o'ylab ko'rilsa, tushunsa bo'ladi.
Quote (Bobur)
Yulduzlarni oddiy ko'z bilan kuzatilsa ham, ular ma'lum tartib bilan joylashgani va bu tartib uzoq yillar davomida saqlanib kelayotgani seziladi.

Xo'sh, agar yulduzlar betartib u yoqdan bu yoqqa uchib yurganda Alloh yo'q dermidingiz? Aminmanki, xuddi o'sha gaplaringizni boshqacharoq qilib aytardingiz, masalan: "Alloh Taolo shu yulduzlarni shunday yaratibdi-ki, hech birining harakati boshqasinikiga o'xshamaydi, tengsiz" kabi (qor parchalari haqida "Ilohiy mo'jizalar" kitobida shunday yozishgan ham; agar o'sha qor parchalarining barchasi bir xil bo'lganda, dindorlar "mo'jizani qarang, har yerda tartib bor, xudo qor parchalarini ham qat'iy tartibga bo'ysundaigan qilib qo'yibdi" deyishardi). Ya'ni, gapni aylantirib xudoga taqashni eplashadi.
Qolaversa, yulduzlar tartibi saqlanib kelmayapti: ular turli tezlikda harakatlanishadi.
Hozirda xudoning borligiga dalil-isbot yo'q. Dindorlar esa dalil nuqul "mo'jiza"larni keltirishadi. Lekin mo'jiza - bu fan tomonidan hali isbotlanmagan hodisa, xolos.
Nega xudoning o'zi o'zining borligiga dalil keltirmaydi? Kelib, xalqqa gapirsin, o'zini korsatsin, nima, uyaladimi? Yoki yo'qmi?


Thank you for not littering your mind
 
BoburDate: Friday, 2007-07-06, 11:14 PM | Message # 13
Private
Group: Users
Messages: 15
Reputation: 0
Status: Offline
Quote (ateizm)
Qadimgi xitoy, hind va hk yilnomalarda Quyosh, Oy
tutilishlari, yulduzar vaziyati batafsil yozib borilgan, Oyning
ikkiga bo`linganini munajjimlar ko`rmay qolgan bo`lishi mumkinmi?
Qolaversa, deyarli hamma Oyga qaraydi, buning uchun munajjim
bo`lishning keragi ham yo`q.

1. "Yaqinda Hindistonda tarixiy yodgorliklarni o'rganish
jarayonida bir ibodatxonaning qurilish tarixiga oid hujjatlar
ko'rib chiqildi. Buni qarangki, mazkur hujjatda 'bu ibodatxona oy
yorilgan kechaning ertasi kuni qurila boshlagan' deb yozilgan
ekan. Eng kuchli dalil - oyat tushgandan so'ng ('Qamar'
surasining avvalgi oyati nazarda tutilyapti) mushriklar bu xabarni son-sanoqsiz marta eshitganlar, o'zlari ham o'qiganlar, lekin birortasi, qachon oy yorilgan edi, nimaga yolg'on aytyapsizlar, degan emas. Shuningdek, o'zlarining 'bu sehr' deb aytgan gaplarini ham tan olib jim turishgan. Holbuki, o'sha paytda dushmanlar Qur'ondan, Payg'ambar alayhissalomdan, musulmonlardan sal bo'lsa ham ayb topish uchun barcha imkoniyatlarini ishga solgan edilar". (Shayx Muhammad Sodiq Muhammad Yusuf. "Hadis va Hayot. 19-juz: Nubuvvat va risolat", Toshkent, "Sharq", 2006, 175-176 betlar.)

2. "1992 yil Nobel mukofotini berish paytidagi bir voqea shu jihatdan muhimdir. To'qsoninchi yillar avvalidagi olamshumul kashfiyot egasi butun dunyoni o'ziga qaratdi. Amerikalik bir guruh olimlar yetti yil davomida olib borgan izlanishlari natijasida Oyning xaritasini tuzib chiqishdi. Nobel mukofotiga sazovor bo'lishga tayyorlanayotgan olimlar Shvetsiyadagi yig'ilishda bir-birlariga navbat bermay, to'lqinlanib so'zlashardi. Oxiri, olimlar rahbari Jon Hakkerbi Oyning xaritasida nozik nuqta borligini ma'lum qildi. Kashfiyotchilar tomonidan aniqlanishicha, Yer sharining yorug' bo'lishini ta'minlaydigan Oy qachonlardir o'rtadan bo'lingan ekan. Xaritada Oyning o'rtasidan bo'linish asorati sifatida diagonal chiziq o'tgandi. Anjumanga yig'ilganlar bu faktni eshitgan zahoti 'qachon-qachon' degan savollar yangray boshladi. Hakkerbi: 'Milodiy sana bo'yicha taxminan olti-yettinchi asrlarda' degan javobni berdi." (Hayrulloh Hamidov. "Musulmonlar taqvim kitobi", 2006 yil, I-chorak, 15 yanvar)

Added (2007-07-06, 11:13 Pm)
---------------------------------------------

Quote (ateizm)
Alloh bir so`zda turadigan mard emasmi? Nega o`z gapini ikki
qilib, qaytib olayapti? Bunga izoh sifatida ushbu kitobni xudo
emas, odamzod ijodi ekanligi haqidagi qarashni olish mumkin
emasmi?

Avval biror narsani keskin cheklab, so'ng bu cheklovni kamaytirib, bandalariga yengillik yaratish so'zini qaytib olish yoki nomardlik deyilmaydi, balki himmat va mehribonlik deyilsa to'g'ri bo'ladi.

Added (2007-07-06, 11:14 Pm)
---------------------------------------------

Quote (ateizm)
Laboratoriyada ishlayotgan bir guruh olimlarni olaylik. Ular
ko`p bo`lsa-da, bir loyihani hech qanday raqobatsiz, kelishib
qilishadi. Shu olimlarning aqli yetgan narsaga (kelishib ish
qilishga) xudolarning aqli yetmaydi, deb o`ylaysizmi?

Laboratoriyadagi olimlar loyiha tezroq va samaraliroq amalga oshishi uchun, tajribalarda xatolar iloji boricha bo'lmasligi uchun, bir-birlarining bilmaganlarini to'ldirish uchun kelishib ish qiladilar. Ular bir birlariga keraklar. Ilohning ilmi mukammal, istagan ishini hech qanday sheriksiz amalga oshirishga, istaganini o'zi hohlagan vaqt mobaynida yaratishga qodir. Unga hech kimning keragi yo'q, hech kimga muhtoj emas.

 
ateizmDate: Monday, 2007-07-09, 2:14 AM | Message # 14
Admin
Group: Administrators
Messages: 19
Reputation: -1
Status: Offline
Quote (Bobur)
Shayx Muhammad Sodiq Muhammad Yusuf. "Hadis va Hayot. 19-juz: Nubuvvat va risolat", Toshkent, "Sharq", 2006, 175-176 betlar.

Quote (Bobur)
Hayrulloh Hamidov. "Musulmonlar taqvim kitobi", 2006 yil, I-chorak, 15 yanvar

Hmm... islomiy da'volarni islomiy targ`ibot manbalari bilan isbotlash aqlli ishmi? dry
Men internetdan manba bera qolay: http://www.enfal.de/s-kamer.htm. Musulmonlar shu suratni ko`rsatib, "Ana, Oy ikkiga yorilganiga dalil" deyishadi.
Endi ushbu suratlarga qarang: http://en.wikipedia.org/wiki/Image:Moon_PIA00304.jpg, bular NASA fazoviy kemalari olgan suratlardir. U yerda Oyning ikkiga bo`linishi izlari ko`rinmayapti.
Qolaversa:
1. XIX asrda go`yoki Mars sayyorasida kanallar (ariqlar) bor ekanligi, va bu kanallarni qachonlardir yashab o`tgan marsliklar qazigan, degan fikrlar o`rtaga tashlangandi. Lekin zamon o`tib, fan-texnika ilg`orlashib, mukammalroq teleskoplar bilan o`sha "kanallar" qayta kuzatilganida, ular bor-yo`g`i kraterlar tizmasi ekanligi ayon bo`ldi. Oyda ham xuddi shunday kraterlar borligi aslo mo`jiza emas, bundan tashqari Oyning meteorlarni kemiruvchi atmosferasi yo`qligi tufayli bunday kraterlar ayniqsa ko`pdir.
2. Oy ikkiga bo`linganda, u izlar faqatgina Oyning orqa tomonida emas, balki butun meridian bo`yicha bo`lishi kerak edi. Lekin bunday emas.
3. Hamma narsaga qodir xudo Oyni bo`lishga kuchi yetarkan-u, uni "izlarini" qoldirmasdan yelimlab qo`ya olmas ekanmi? smile Agar shunday bo`lsa, nega siz bizga shunday "izlarni" ko`rsatayapsiz?
Quote (Bobur)
Avval biror narsani keskin cheklab, so'ng bu cheklovni kamaytirib, bandalariga yengillik yaratish so'zini qaytib olish yoki nomardlik deyilmaydi, balki himmat va mehribonlik deyilsa to'g'ri bo'ladi.

Nega avval keskin cheklovlar qo`ydi? Keyinchalik bu cheklovlarni kamaytirishini bilmasmidi?
Tasavvur qilaylik, men har kuni ukamni qattiq do`pposlayapman. Keyin esa do`pposlash kuchini kamaytirdim. Buni unga "himmat va mehribonlik" ko`rsatdim, shuning uchun endi sekinroq urayapman, deyish to`g`rimi? Men esa buni "bema`ni ko`ngilxushlik", deb atagan bo`lardim.
Quote (Bobur)
Unga hech kimning keragi yo'q, hech kimga muhtoj emas.

Unday bo`lsa nega bizni yaratdi? Nega bizdan namoz qilishni, ro`za tutishni so`raydi? Bizga, ibodatlarimizga muhtoj ekan-ku?
Yana savol: dinni odamlar o`ylab topganligi haqidagi fikrning sizga nimasi yoqmaydi?


Thank you for not littering your mind

Message edited by ateizm - Monday, 2007-07-09, 5:02 AM
 
BoburDate: Wednesday, 2007-07-18, 1:21 AM | Message # 15
Private
Group: Users
Messages: 15
Reputation: 0
Status: Offline
Quote (ateizm)
Inson qobiliyatlari, "orzu-havaslari" ham xuddi shunday bioelektrik-kimyoviy ta'sirlar majmuidir. Va bu ta'sirlar fan tomonidan o'rganilmoqda.

Inson o'zining miyasida bo'layotgan bioelektrik-kimyoviy ta'sirlar haqida o'ylay oladi, ularni o'rganmoqda. Masalan, men o'z fikrlash qobiliyatim faqatgina siz aytgan bioelektrik-kimyoviy ta'sirlar bilan cheklangan deb o'ylamayman. Demak, men o'zimdagi bioelektrik-kimyoviy ta'sirlar fikrlashning manbai degan g'oyani inkor qilyapman. Bularning hammasi inson ongi materiya va uning ta'sirlaridan yuqoriroq turadigan mustaqil bir narsa ekanligini bildirmaydimi?

Quote (ateizm)
Odam kompyuterga o'xshagan nimarsa, his-tuyg'u, ong deganlaringiz, ya'ni ruhiyat kompyuterning dasturiy ta'minotiga (software'ga) o'xshaydi; biroq, software ham bor-yo'g'i murakkab elektromagnit tebranishlar majmui, xolos.

Kompyuterni ham kimdir loyihasini tuzib, yasab, kimdir unga dastur yozib, o'rnatmaguncha ishlamaydi. Tasodifiy o'zgarishlar natijasida inson aralashuvisiz kompyuter paydo bo'lishi ham amri mahol. Kompyuterdan ancha murakkab bo'lgan inson organizmi tasodifiy mutaciyalar natijasida shakllanishi g'ayritabiiy emasmi?

Message edited by Bobur - Wednesday, 2007-07-18, 4:26 AM
 
Forum » Ateistik forum » Asosiy forum » O`zbekistonda ateizm (birinchi mavzu)
  • Page 1 of 2
  • 1
  • 2
  • »
Search: